आजरा (कोल्हापूर) : ट्रॉफी..... फिरता चषक अशा प्रकारची विविध बक्षिसांची खैरात आजपर्यंत ग्रामीण भागातील क्रिकेट स्पर्धेत दिली जात असे. आता तर चक्क बक्षीस म्हणून बोकड व कोंबड्या दिल्या जाणार आहेत. साळगाव (ता. आजरा) येथे आजपासून सुरू झालेल्या क्रिकेट स्पर्धेत बक्षिसांच्या यादीकडे लक्ष दिल्यास विजेत्यांना बोकड व कोंबड्या दिल्या जाणार आहेत. तालुक्यात प्रथमच अशा प्रकारची बक्षिसे दिली जाणार असल्याने तालुक्यातील क्रीडा वर्तुळात सध्या चर्चेचा विषय आहे.
क्रिकेटप्रेमी साळगाव यांच्यातर्फे आजपासून ओपन हाफ- पीच क्रिकेट स्पर्धे (अन्डर आर्म) ला सुरवात झाली आहे. या स्पर्धेसाठी संयोजकांनी आकर्षक बक्षिसे जाहीर केली आहेत. आकर्षक बक्षीस म्हटल्यावर अनेकांचे बक्षिसांकडे लक्ष वेधते; पण ही बक्षिसे बोकड व कोंबड्या आहेत. प्रथम क्रमांक विजेत्याला एक बोकड व चषक दिला जाणार आहे.
द्वितीय क्रमांकाला गावठी कोंबड्याचे आठ नग व चषक, तर तृतीय क्रमांकाला गावठी कोंबड्याचे सहा नग व चषक दिला जाईल. चतुर्थ क्रमांकाला केवळ चषक दिला जाणार आहे. आगळ्या वेगळ्या बक्षिसामुळे क्रिकेटप्रेमींचे या स्पर्धेकडे लक्ष लागून राहिले आहे. कोकणामध्ये क्रिकेट स्पर्धेत अशा प्रकारची बक्षिसे विजेत्यांना दिली जातात; पण या तालुक्यात प्रथमच अशा प्रकारची बक्षिसे दिली जात आहे.
संपादन- अर्चना बनगे
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.