mentally patientsSakal
कोल्हापूर
Kolhapur News : जिल्ह्यात निवाऱ्याअभावी मनोरुग्णांची परवड; कायमस्वरूपी केंद्र उभारण्याची गरज
Kolhapur News : ज्यामध्ये ज्या ठिकाणी मनोरुग्ण व्यक्तींची संख्या अधिक आहे, जेथे त्यांच्यासाठी निवारा केंद्र उभारणे बंधनकारक केले आहे. कोल्हापुरात फिरस्ते मनोरुग्ण दिसत असूनही जिल्हा पातळीवर असे निवारा केंद्र नाही. यासाठी लोकप्रतिनिधींनीच पुढाकार घेणे गरजेचे बनले आहे.
कोल्हापूर : गेल्या आठवड्यात छत्तीसगडवरून एक मुलगी कोल्हापुरात आली. मानसिकदृष्ट्या आजारी असलेल्या या मुलीची अवस्था फारच दयनीय अशी होती. कोल्हापुरातील सामाजिक कार्यकर्त्यांनी तिच्याशी बोलून, तिचा घरचा पत्ता विचारला, पालकांचे संपर्क क्रमांक घेतले. पालक छत्तीसगडवरून कोल्हापुरात पोहोचण्यासाठी चार दिवसांचा कालावधी लागणार होता. या काळात तिची जबाबदारी कोण घेणार?, असा प्रश्न उभा राहिला. शेवटी कागलमधील एका सामाजिक संस्थेने, बेघर निवारा केंद्राने चार दिवस तिची काळजी घेतली. पालक आल्यानंतर तिला पाठविण्यात आले. हे एक प्रातिनिधिक उदाहरण.