Bakra Plant Blooms After 14 Years : 14 वर्षांची प्रदीर्घ प्रतीक्षा संपली! वाकीघोल पठारावर 'बकरा' वनस्पती बहरली, बघण्यासारखा आहे निसर्गाचा दुर्मिळ नजारा

गारगोटी : भुदरगड आणि राधानगरी तालुक्यांना जोडणाऱ्या वाकीघोल परिसरात रक्षादेवी पठारावरील तब्बल १४ वर्षांनंतर ‘बकरा’ वनस्पती बहरली (Bakra plant flowering after 14 years) आहे. ‘टोपली कारवी’ म्हणूनही ओळखल्या जाणाऱ्या या वैशिष्ट्यपूर्ण वनस्पती व पिवळ्या फुलांमुळे संपूर्ण पठार निसर्गसौंदर्याने नटले आहे. डोंगरमाथ्यावर फुललेला हा मनमोहक नजारा पाहण्यासाठी पर्यावरणप्रेमी आणि निसर्गप्रेमींची पावले वाकीघोल पठाराकडे वळू लागली आहेत.