कोल्हापूर: कळंबा परिसरात चाकू हल्ला; तिघे जण जखमी

जेवणाची ऑर्डर वेळेत न मिळाल्याचा जाब विचारल्यावरून झालेल्या चाकू हल्ल्यात तिघे जण गंभीर जखमी झाले. Kolhapur: Knife attack in Kalamba area; Three people were injured srs97
कोल्हापूर: कळंबा परिसरात चाकू हल्ला; तिघे जण जखमी
sakal

कोल्हापूर: जेवणाची ऑर्डर वेळेत न मिळाल्याचा जाब विचारल्यावरून झालेल्या चाकू हल्ल्यात तिघे जण गंभीर जखमी झाले. स्वरूप बाळासाहेब माळी (वय ३०, रा. सानेगुरुजी वसाहत), सुजित गजानन भोसले, आदित्य मिलिंद नागवेकर (दोघे रा. मंगळवार पेठ) अशी जखमींची नावे आहेत. कळंबा साई मंदिरा जवळील खाऊ गल्लीत बुधवारी रात्री हा प्रकार घडला.

कोल्हापूर: कळंबा परिसरात चाकू हल्ला; तिघे जण जखमी
पोहणं पडलं महागात, पाण्यात बुडून एकाचा मृत्यू तर एक जण बेपत्ता

याप्रकरणी चौघा संशयितांवर जुना राजवाडा पोलिस ठाण्यात गुन्हा दाखल करण्यात आला. संशयितांची नावे - पंकज विभुते (पूर्ण नाव पत्ता माहित नाही) आणि चायनीज सेंटरवरील तिघे अनोळखी कामगार अशी आहेत.

याबाबत पोलिसांनी दिलेली माहिती अशी की, स्वरूप माळी हे बुधवारी (ता.१५) आपल्या मित्रांसह कळंबा साई मंदिर येथील खाऊ गल्लीतील चायनीज सेंटरवर गेले होते. लवकर जेवण न मिळल्याने त्याचा जाब विचारला.

याच रागातून सेंटरचा मालक संशयित पंकजसह तिघा अनोळखींनी कांदा कापण्याच्या चाकूने स्वरूप, सुजित आणि आदित्य या तिघांवर चाकूने हल्ला करून जखमी केले. अशी फिर्याद स्वरूप माळी यांनी दिली. याबाबतचा तपास पोलिस निरीक्षक दत्तात्रय नाळे यांच्या मार्गदर्शनाखाली पोलिस हेड कॉन्स्टेबल बजरंग लाड करीत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com