कोल्हापुरात लसीकरण केंद्रांवर बूस्टर डोसला सुरुवात

कोल्हापूर : शहरातील लसीकरण केंद्रांवर(Vaccination Center) आज पासून ज्येष्ठ नागरिकांसाठी दक्षता (booster dose) डोस देण्यास प्रारंभ झाला. सकाळी नऊ वाजल्यापासून ज्येष्ठ नागरिकांच्या रांगा लसीकरण केंद्रावर दिसत होत्या.

राज्य शासनाने ज्येष्ठ नागरिकांना तसेच फ्रन्टलाइन वर्कर यांना बूस्टर डोस देण्यासाठी व्यापक मोहीम हाती घेतली आहे. ज्येष्ठ नागरिकांना दुसरा डोस घेऊन नऊ महिने झालेले आहेत ते बूस्टर डोससाठी पात्र आहेत. महापालिकेच्या लसीकरण केंद्रावर आज सकाळपासून बूस्टर डोस देण्यास सुरुवात झाली. यासाठी ऑनलाईन नोंदणीची सुविधा उपलब्ध आहे. सकाळी नऊ वाजल्यापासून लसीकरण केंद्रांवर ज्येष्ठ नागरिकांनी रांग लावली होती. सोशल डिस्टन्स ठेवून तसेच कोरोना प्रतिबंधक उपाय योजनांची अंमलबजावणी करून बूस्टर डोसच्या लसीकरणाला प्रारंभ करण्यात आला. पहिल्या दिवशीच जेष्ठ नागरिकांचा चांगला प्रतिसाद मिळाला.