कोल्हापूर : ‘गाव तिथे शिवसेनेची शाखा आणि घर तिथे शिवसैनिक’ अभियान जिल्हाभर राबवा,’ असे आवाहन शिवसेनेचे पक्षप्रमुख उद्धव ठाकरे यांनी केले. ठाकरे यांनी आज मुंबईतील ‘मातोश्री’ निवासस्थानी जिल्ह्यातील शिवसेनेच्या प्रमुख पदाधिकाऱ्यांशी संवाद साधला. ते म्हणाले, ‘आगामी स्थानिक स्वराज्य संस्थांच्या निवडणुकीच्या पार्श्वभूमीवर शेतकरी, कामगार, महिलांचे प्रश्न हाती घ्या. शिवसेना पक्षाची संघटनात्मक बांधणी करा. प्रत्येक गावांत गटप्रमुखांची नियुक्ती करून जिल्हा परिषद, पंचायत समिती, महापालिका व नगरपालिका निवडणुकीच्या तयारीला लागा.’
