Exploitation Case Kolhapur : दामदुप्पट रक्कम देण्याच्या आमिषाने जयसिंगपूर येथील एका महिलेची १० लाखांची फसवणूक करण्यात आल्याचा प्रकार उघडकीस आला आहे..याप्रकरणी अनुजा अभिजित पवार (वय ४२, जयसिंगपूर, ता. शिरोळ, जि. कोल्हापूर) यांनी विश्रामबाग पोलिस ठाण्यात फिर्याद दिली असून, त्यानुसार सांगलीतील एका महिलेसह तिघांवर फसवणुकीचा गुन्हा दाखल करण्यात आला. उमेश जगन्नाथ जोशी (वय ४५), अस्मिता जोशी (४०, दोघेही मुरली ॲपेक्स अपार्टमेंट, विश्रामबाग, सांगली) आणि संतोष सुधाकर पाठक (५४, यशवंतनगर, सांगली) अशी त्यांची नावे आहेत..याबाबत पोलिसांनी दिलेली माहिती अशी, संशयितांनी फिर्यादी अनुजा पवार यांच्याशी परिचय वाढवला आणि त्यांना विश्वासात घेऊन कमी कालावधीत दुप्पट रक्कम देण्याचे आमिष दाखविले. त्याला बळी पडून अनुजा पवार यांनी त्यांच्याकडील १० लाख १६ महिन्यांसाठी संशयितांकडे गुंतविले..Kolhapur Gangwar : कोल्हापुरात गुंडाचा निर्घृण खून, गँगवारची शक्यता; मध्यरात्री पाठलाग करतानाचा थरारक Video.फसवणुकीचा प्रकार १५ सप्टेंबर २०२२ ते ११ सप्टेंबर २०२५ या कालावधीत घडला. पैसे गुंतवूनही १६ महिन्यांत दामदुप्पट रक्कम न मिळाल्याने अनुजा पवार यांना फसवणूक झाल्याचे लक्षात आले. त्यामुळे त्यांनी वारंवार संशयितांकडे पाठपुरावा करत पैशांची मागणी केली. मात्र पैसे देण्यास टाळाटाळ करण्यात आल्याने अनुजा पवार यांनी पोलिस ठाण्यात फिर्याद दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
