आज आबा असते तर....; विजयानंतर रोहित पाटीलांनी शेअर केला वडिलांसोबतचा फोटो | Sakal
sakal

बोलून बातमी शोधा

rohit patil

'मला आज आबांची आठवण येतेय' अशी प्रतिक्रियाही त्यांनी दिली.

आज आबा असते तर...; वडिलांच्या आठवणीने रोहित पाटील भावूक

सांगली - कवठे महाकाळ नगरपंचायतीवर राष्ट्रवादी काँग्रेसनं (NCP) एक हाती सत्ता मिळवली. नगरपंचायतीच्या पंचवार्षिक निवडणुकीत राष्ट्रवादी काँग्रेसला १० जागा आणि शेतकरी विकास आघाडी ६ आणि एका जागेवर अपक्ष निवडून आले. सांगलीतील या चुरशीच्या निवडीत राष्ट्रवादी कॉंग्रसेच्या रोहित पाटील यांनी राजकारणात दमदार एंट्री केली. जिल्ह्यातील कवठे महंकाळमध्ये आर.आर. पाटील (R.R. Patil) यांचे सुपुत्र रोहित पाटील (Rohit Patil) यांनी मारलेल्या या बाजीमुळे सर्व स्तरातून त्यांनी कौतुकाची थाप मिळवली आहे.'मला आज आबांची आठवण येतेय' अशी प्रतिक्रियाही त्यांनी दिली. कवठे महाकाळ नगरपंचायतीत एकहाती सत्ता मिळवण्याचं हे आबांच स्वप्न होतं. आज राष्ट्रवादीला (NCP) बहुमत मिळालं, आबांचं स्वप्न पूर्ण झालं असंही रोहित पाटील म्हणाले.

दरम्यान आज त्यांच आणखी एक ट्वीट समोर आलं आहे. यात त्यांनी वडिल आर. आर. आबा यांच्यासोबतचा एक जुना फोटो (Social media) पोस्ट केला आहे. आज आबा असते तर..! अशा आशयाची एक भावनिक पोस्ट आणि लहानपणीचा वडिलांसोबतचा फोटो शेअर केला आहे. या निवडणुकीच्या (Nagar panchayat election) काळात प्रचारावेळी विरोधकांनी वडील हा शब्द वापरण्याऐवजी बाप शब्द वापरला होता. त्यांचाच धागा पकडून मी विरोधकांना बाप आठवल्याशिवाय राहणार नाही असं म्हटलं होतं. मला आज आबांची आठवण येतेय, असं भावनिक वक्तव्या त्यांनी केलं होतं.

हेही वाचा: बाप आठवल्याशिवाय राहणार नाही; आबांचं स्वप्न पूर्ण - रोहित पाटील

या निवडणुकीनंतर राजकारणात अगदी लहान वयात प्रवेश केलेल्या आणि यश मिळवलेल्या राजकारणातील दिग्गजांनीही त्यांचं कौतुक केलं आहे. राष्ट्रवादी आणि महाविकास आघाडीतील अनेकांनी त्यांचे अभिनंदनही केले आहे. याशिवाय सोशल मिडियावरही अनेकांनी त्यांनी पुढील राजकीय वाटचालीसाठी शुभेच्छा दिल्या आहेत.

हेही वाचा: सांगली: रोहित पाटलांची राजकारणात दणक्यात एंट्री, निवडणुकीत बाजी

Web Title: Rohit Patil Share Photo On Social Media Child Memories With Rr Patil

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..