Bollywood Entertainment News : बॉलिवूड अभिनेता सोनू सूदच्या पत्नीचा काही काळापूर्वी अपघात झाला. नागपूरमध्ये झालेल्या या अपघातातून त्याची पत्नी वाचली. त्यानंतर पहिल्यांदाच सोनूने या घटनेवर भाष्य केलं. याशिवाय त्याने चाहत्यांना आवाहनही केलं. .सोनूची पत्नी सोनालीचं माहेर नागपूरमध्ये आहे. ती माहेरी असताना ती , तिची बहीण सुनीता आणि मुलगा हे हायवेने कारमधून प्रवास करत होते. त्यावेळेस त्यांचा अपघात झाला. गाडीची खूप नुकसान झालं पण सुदैवाने गाडीत बसलेल्या कुणालाही गंभीर इजा झाली नाही. याबद्दल सोनूने सोशल मीडियावर शेअर केलेल्या व्हिडीओच्या माध्यमातुन भाष्य केलं. .सोनू म्हणाला की, "एक खूप महत्त्वाचा संदेश मला तुम्हाला सांगायचा आहे, गेल्या आठवड्यात एक खूप मोठा अपघात नागपूरमध्ये झाला. ज्यात माझी बायको, माझ्या बायकोची बहीण आणि तिचा भाचा हे सगळेजण त्या गाडीमध्ये होती. त्या गाडीची काय हालत झालीये ते सगळ्या दुनियेने पहिलं. पण त्यांना कुणी वाचवलं असेल तर सीट बेल्टने वाचवलं. पाठी जे लोक बसतात ते सीट बेल्ट घालत नाहीत. सुनितानेही घातला नव्हता पण माझी पत्नी सोनालीने तिला सीट बेल्ट लावायला सांगितला. सीट बेल्ट तिने घातला आणि त्याच्या एक मिनिटमध्ये तो अपघात झाला. पण तिघांनीही सीट बेल्ट घातल्यमुळे ते वाचले. 100 पैकी 99 लोक जे पाठी बसतात ते सीट बेल्ट लावतात. सीट बेल्ट फक्त पुढे बसलेल्यानी लावायचा असं नाहीये. काही ड्रायव्हर्स फक्त पोलिसांपासून वाचण्यासाठी सीटबेल्ट लावतात पण क्लिप उघडी असते. हा सीट बेल्टच तुमचे प्राण वाचवू शकतो.".अनेकांनी सोनूच्या व्हिडीओवर कमेंट करत त्याच्या या प्रयत्नच कौतुक केलं. तुम्ही खूप चांगल्या गोष्टीचा प्रचार करत आहात असं अनेकांनी म्हटलं. .सोनूचा नुकताच फतेह सनम रिलीज झाला. बॉक्स ऑफिसवर हा सिनेमा फार कमाल दाखवू शकला नाही. याशिवाय त्याने एका तामिळ सिनेमातही काम केलं. .Tharal Tar Mag : सुभेदारांसाठी सायली घर सोडून जाणार ; प्रोमो पाहून प्रेक्षक म्हणाले "कॉपी..".सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
