Justin Bieber: लग्नाच्या सहा वर्षानंतर हेली आणि जस्टिन बीबर होणार आई-बाबा; खास पोस्ट शेअर करत दिली गुडन्यूज

Justin Bieber And Hailey Bieber: आपल्या गाण्यानं संपूर्ण जगाला वेड लावणाऱ्या जस्टिन बीबर (Justin Bieber) हा सध्या त्याच्या वैयक्तिक आयुष्यामुळे चर्चेत आहे. जस्टिन आणि त्याची पत्नी हेली बीबर हे आई-बाबा होणार आहेत. जस्टिननं नुकतेच काही खास फोटो शेअर करुन चाहत्यांसोबत ही गुडन्यूज शेअर केली आहे. जस्टिननं शेअर केलेल्या फोटोंनी अनेकांचे लक्ष वेधले आहे.

जस्टिननं शेअर केले फोटो

जस्टिननं सोशल मीडियावर काही फोटो शेअर केले आहेत. ज्यात हेली बीबर ही बेबी बंप फ्लॉन्ट करताना दिसत आहे. जस्टिननं शेअर केलेल्या फोटोमध्ये हेली ही ऑल व्हाईट लूकमध्ये दिसत आहे तर जस्टिन हा ऑल ब्लॅक लूकमध्ये दिसत आहे.जस्टिन आणि हेली यांच्या या फोटोंवर नेटकऱ्यांनी लाइक्स आणि कमेंट्सचा वर्षाव केला आहे. या फोटोला कमेंट करुन अनेकांनी जस्टिन आणि हेली यांना शुभेच्छा दिल्या आहेत.

सेलिब्रिटींनी दिल्या शुभेच्छा

जस्टिननं शेअर केलेल्या पोस्टला आतापर्यंत 11 मिलियनपेक्षा जास्त लाइक्स मिळाले आहेत. गिगी हदीद, गॅल गॅडोट, किम कार्दशियन, काइली जेनर, क्रिस जेनर आणि डेमी लोवाटो या सेलिब्रिटींनी देखील जस्टिनच्या पोस्टला कमेंट करुन जस्टिन आणि हेली यांना शुभेच्छा दिल्या आहेत.

हेलीची सर्वात जवळची मैत्रीण, मॉडेल केंडल जेनर हिने हेलीच्या प्रेग्नन्सीबद्दल कळाल्यानंतर तिच्या काय भावना होत्या? याबद्दल सांगितले. ती म्हणाली, "मला अश्रू अनावर झाले"

2018 मध्ये हेली आणि जस्टिन यांनी न्यूयॉर्कमधील सिक्रेट वेडिंग केले. त्यानंतर एक वर्षांनी हेली आणि जस्टिन यांनी त्यांच्या जवळच्या मित्र-मैत्रिणी आणि कुटुंबाच्या उपस्थितीत पुन्हा लग्न केले.