एकता कपूरची हिट टीव्ही मालिका 'कसौटी जिंदगी की'ने लोकप्रियतेचे अनेक रेकॉर्ड मोडले. ही मालिका टीआरपी यादीत कायम टॉप ३ मध्ये राहिली. मालिकेतील प्रेरणा आणि अनुराग यांनी तर चाहत्यांना वेड लावलं होतं. आता या मालिकेचे पटकथा लेखक आणि प्रसिद्ध निर्माते महेश पांडे यांच्याबद्दल मोठी बातमी समोर येते आहे. महेश यांना मुंबई पोलिसांनी 9 ऑगस्ट रोजी अटक केली आहे. त्यांच्यावर निर्माता जतिन सेठी यांची २.६५ कोटी रुपयांची फसवणूक केल्याचा आरोप आहे. महेश पांडे यांनी जतीन सेठी यांना सर्व पैसे परत करण्याचे आश्वासन दिले होते परंतु ते तसे करण्यात अयशस्वी ठरल्याने त्यांना ताब्यात घेण्यात आलं आणि नंतर न्यायालयीन कोठडीत पाठवण्यात आलं आहे.
महेश पांडे यांच्या अटकेच्या बातमीने संपूर्ण टीव्ही इंडस्ट्रीत खळबळ उडाली आहे. ते हिंदी टीव्ही इंडस्ट्रीतील एक मोठं नाव आहे आणि त्यांनी अनेक कार्यक्रमांची निर्मिती केली आहे. 'ईटाईम्स'च्या वृत्तानुसार, आंबोली पोलिस ठाण्याच्या वरिष्ठ पोलिस अधिकाऱ्याने सांगितलं की, जतिन सेठी यांनी दिलेल्या तक्रारीच्या आधारे महेश पांडे यांना अटक करण्यात आली आहे.
इटाइम्सशी बोलताना पोलीस अधिकाऱ्याने सांगितलं की, 'जतिन सेठी यांनी महेश पांडे यांना सुमारे २.६५ कोटी रुपये उसने दिले होते आणि पांडे यांनी पैसे मिळाल्यानंतर ते परत करण्याचं आश्वासन दिलं होतं. मात्र पैसे असूनही त्यांनी महेश यांनी त्यांचे पैसे परत केले नाहीत. त्यानंतर जतिन यांनी तक्रार दाखल केली आणि आम्ही त्यांना अटक केली. दोन दिवस ते आमच्या पोलीस ठाण्यात राहिले आणि आता त्यांची न्यायालयीन कोठडीत रवानगी करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
