पुणे - देशातील विद्यापीठांतून तुम्ही उच्च शिक्षण घेतलंय आणि आता माजी विद्यार्थी आहात का? आणि विद्यापीठात मिळालेल्या ज्ञानाचा, अनुभवाचा फायदा शैक्षणिक संस्था आणि विद्यार्थ्यांनाही घेता यावा, असे तुम्ही वाटतंय का?, तर मग तयार रहा! लवकरच तुम्हाला उच्च शिक्षण देणाऱ्या संस्थेचा दर्जा उंचाविण्याची किंवा भारतीय उच्च शिक्षणाचे सामर्थ्य दाखविण्यासाठी ‘ब्रॅण्ड ॲम्बॅसिडर’ बनण्याची संधी मिळू शकणार आहे.
होय, देशातील शिक्षण संस्थांचा दर्जा जागतिक पातळीवर उंचाविण्यासाठी माजी विद्यार्थी आणि माजी विद्यार्थी सेलची ताकद उपयोगी ठरू शकते. या हेतूने आता विद्यापीठ अनुदान आयोगाने (यूजीसी) विद्यापीठांना माजी विद्यार्थ्यांशी जोडण्याच्या सूचना दिल्या आहेत. विद्यापीठांमधील ‘ॲल्युमनी सेल’ची माहिती माजी विद्यार्थ्यांना कळविण्याची सूचना केली आहे.
- पुण्याच्या बातम्या वाचण्यासाठी येथे ► क्लिक करा
राष्ट्रीय शैक्षणिक धोरण २०२० मध्ये देशातील उच्च शिक्षण संस्थांना जागतिक पातळीवर पोचविण्यावर भर दिला आहे. येत्या काही वर्षात देशाला जागतिक अभ्यास केंद्र बनविण्यासाठी केंद्र सरकार प्रयत्नशील आहे. म्हणूनच शैक्षणिक संस्थांमधील माजी विद्यार्थी आणि माजी विद्यार्थी संघटना शैक्षणिक दर्जा उंचाविण्यासाठी महत्त्वाची भूमिका बजावू शकतात. शैक्षणिक संस्थांना आर्थिक आणि त्या व्यतिरिक्त योगदानही त्यांच्याकडून मिळू शकते. तसेच देशातील विद्यापीठांमध्ये शिक्षण घेतलेले परदेशी विद्यार्थी आणि सध्या परदेशात असलेले भारतीय विद्यार्थी हे देखील शैक्षणिक संस्थांच्या ‘ब्रॅण्ड बिल्डिंग’साठी हातभार लावू शकणार आहेत, असे आयोगाचे सचिव प्रा. रजनीश जैन यांनी सूचनेद्वारे अधोरेखित केले आहे.
‘ॲल्युमनी कनेक्ट’ उपक्रम
विद्यार्थ्यांना पुन्हा एकदा शैक्षणिक संस्थांची जोडून घेण्यासाठी विद्यापीठ अनुदान आयोगाने ‘ॲल्युमनी कनेक्ट’ हा उपक्रम हाती घेतला आहे. या माध्यमातून विविध विद्यापीठांमधील माजी विद्यार्थ्यांची आणि त्यांच्या संघटनांची माहिती संकलित करण्यात येत आहे. या विद्यार्थ्यांना विद्यापीठातील घडामोडीत सहभागी करून घेण्याच्या सूचना केल्या आहेत. तसेच विद्यापीठांमधील ‘ॲल्युमनी सेल’ची माहिती १५ फेब्रुवारीपूर्वी द्यावी, असे आवाहन आयोगाने केले आहे.
या आहेत यूजीसीची सूचना
Edited By - Prashant Patil
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.