पुण्यातून गणपतीपुळ्याला दर्शनासाठी निघालेल्या भाविकांचा सांगली जिल्ह्यातील कोकरूड येथे भीषण अपघात झालाय. हा अपघात कराड - रत्नागिरी राज्य महामार्गावरील कोकरुड याठिकणी झाला आहे. वारणा नदीवर असलेल्या कोकरुड- नेर्ले पुलावर रस्त्याचा अंदाज न आल्यामुळे कार पुलाच्या दुभाजकाला धडकली. यामध्ये वडिलांचा आणि मुलाचा जागीच मृत्यू झाला.
तर इतर अन्य तिघेजण गंभीर जखमी आहेत. या आपघाताबद्दल कोकरूड पोलिसांकडून मिळालेल्या माहितीनुसार ऋषिकेश घोगरे हे कार घेऊन पत्नी रेणुका, चुलत भाऊ महेंद्र, रुपाली, आरव व शिवेंद्र हे सर्वजण सकाळी पुण्यावरून गणपतीपुळे, रत्नागिरी येथे देवदर्शनासाठी निघाले होते. कोकरूड येथे वारणा नदीवरील कोकरूड-नेर्ले पुलाजवळ आल्यानंतर ऋषिकेश यांचा कारवरील ताबा सुटला आणि कारची पुलाच्या संरक्षण कठड्याला धडक बसली आणि अपघात झाला. यामध्ये बापलेकांचा जागीच मृत्यू झाला तर तिघेजण गंभीर जखमी झाले आहेत.
महेंद्र अशोक घोगरे (वय 35), आरव महेंद्र घोगरे (वय 4) अशी मृतांची नावे आहेत. रुपाली महेंद्र घोगरे, शिवेंद्र महेंद्र घोगरे व रेणुका ऋषिकेश घोगरे अशी जखमींची नावे आहेत. यामध्ये चालकाच्या बाजूस बसलेले महेंद्र व आरव यांचा जागीच मृत्यू झाला आहे. जखमी झालेल्यांवर कराड येथे खासगी रुग्णालयात उपचार सुरू आहेत. तर पुढील तपास पोलिस उपनिरीक्षक संजय पाटील करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.