पुणे : सीएनजी पुन्हा दोन रुपयांनी महागला | Sakal
sakal

बोलून बातमी शोधा

cng-fuel
पुणे : सीएनजी पुन्हा दोन रुपयांनी महागला

पुणे : सीएनजी पुन्हा दोन रुपयांनी महागला

पुणे : पेट्रोल आणि डिझेलच्या (petrol and diesel)वाढत्या किंमतीपासून वाहन चालकांना गेल्या काही दिवसांपासून दिलासा मिळाला आहे. मात्र सीएनजी (CNG)वाहन वापरत असलेल्यांना बसत असलेला इंधन दरवाढीचा झटका अद्याप थांबलेला नाही. बुधवारी (ता. १३) सीएनजी दोन रुपये १० पैशांनी महागले आहे. त्यामुळे आता शहरात एक किलो सीएनजीसाठी ६६.०० रुपये मोजावे लागणार आहे.नोव्हेंबर २०२१ नंतर झालेली या वर्षातील ही पहिली दरवाढ आहे. त्यापूर्वी ऑगस्ट महिन्यात सीएनजी चार रुपये ६० पैशांनी महागला होता. चार आणि १४ ऑक्टोंबर रोजी अनुक्रमे दोन आणि २.६ रुपयांनी सीएनजीच्या दरात वाढ झाली होती.

हेही वाचा: भारत-पाकिस्तान फाळणीत झाली ताटातूट, तब्बल 74 वर्षांनंतर भेट!

एकदाच महिन्यात चार रुपयांनी दरवाढ झाल्याची ती पहिलीच घटना होती.दिवाळीत पेट्रोल पाच रुपयांनी आणि डिझेल दहा रुपयांनी स्वस्त झाल्यानंतर वाहनचालकांना मोठा दिलासा मिळाला होता. हा दिलासा अद्याप कायम असून त्यानंतर पेट्रोल आणि डिझेलचे दर वाढलेले नाहीत. मात्र दिवाळीनंतर आता पुन्हा एकदा सीएनजीचे दर वाढले आहेत.

मी सीएनजी कार घेतली तेव्हा सीएनजीचा दर ५५ रुपये प्रतिकिलो होता. आता सीएनजीवर ६६ रुपयांवर पोचले आहे. पेट्रोल डिझेल परवडत नाही म्हणून सीएनजी कार वापरतो. मात्र आता सीएनजी देखील स्वस्त राहिले नाही. अशीच दरवाढ होत राहिली तर सीएनजीची किंमत पेट्रोल-डिझेल एवढी व्हायला वेळ लागणार नाही.

किशोर शिंदे, कार व्यावसायिक

हेही वाचा: देशात कोरोनाचा स्फोट; PM मोदींची सर्व राज्याच्या मुख्यमंत्र्यांसोबत बैठक

सीएनजीचे वाढलेले दर

तारीख - वाढलेली किंमत - दर (प्रतिकिलो)

  • १ जुलै २०२० - १ रुपये - ५४.८०

  • १० ऑक्टोबर -२०२०- ९५ पैसे (दर कमी झाला)- ५३.८५

  • ०४ जानेवारी - २०२१ - १.६५ रुपये - ५५.५०

  • ४ जून - २०२१- १.५० रुपये - ५६.६०

  • २ ऑगस्ट - २०२१- ९० पैसे - ५७.५०

  • ४ ऑक्टोबर- २०२१- २ रुपये - ५९.५०

  • १३ ऑक्टोबर - २०२१- २.६० रुपये ६२.१०

  • १८ नोव्हेंबर - २०२१- १.८० रुपये ६३.९०

  • ११ जानेवारी - २०२२ - ६६.००

१३ जानेवारीचे दर :

  • पेट्रोल - १०९.५०

  • पॉवर पेट्रोल - ११३.५०

  • डिझेल - ९२.५०

  • सीएनजी - ६६.०० (प्रतिकिलो)

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top