Lockdown : गॅस सिलेंडरच्या ट्रकमधून केली जात होती कामगारांची वाहतूक; ट्रकचालकावर...!

वाघोली : घरगुती गॅस सिलेंडरची वाहतूक करणाऱ्या ट्रकमधून १० मजुरांना अहमदनगरकडे नेण्याचा प्रयत्न करणाऱ्या ट्रक चालकाला पकडून त्याच्यावर गुन्हा दाखल करण्यात आला आहे. मजुरांना वाघोलीतील तात्पुरत्या निवाऱ्यात पाठविण्यात आले आहे.

- बातम्या ऐकण्यासाठी डाऊनलोड करा ई-सकाळचे ऍप

रामसखा हिरालाल साकेत या चालकावर गुन्हा दाखल करण्यात आला आहे. भारत गॅस सिलेंडरची वाहतूक या ट्रकमधून केली जात होती. नांदेड सिटी येथून या कामगारांना आणले होते. आणि तो त्यांना अहमदनगरला घेऊन चालला होता. लोणीकंद येथील तपासणी नाक्यावर हा ट्रक पकडण्यात आला. पोलिस निरीक्षक प्रताप मानकर यांच्या मार्गदर्शनाखाली पोलिस उपनिरीक्षक एच. एस. पडळकर यांच्या पथकाने ही कारवाई केली.

- Coronavirus : ...तर ४ लाख जपानी नागरिकांचा होऊ शकतो मृत्यू!

हातभट्टीवर छापा 

पेरणे फाटा आणि वढुखुर्द येथील हातभट्टीवर लोणीकंद पोलिसांनी छापा टाकून सुमारे एक लाख रुपये किंमतीची रसायने जप्त केली. याप्रकरणी दोघांवर गुन्हा दाखल करण्यात आला आहे. यामध्ये एका महिलेचा समावेश आहे. याचसोबत पाच दारू विक्रेत्यांवरही गुन्हा दाखल करण्यात आला, तर मास्कचा वापर न करणाऱ्या 15 जणांवर आणि विनाकारण फिरणाऱ्या आठ दुचाकी चालकांवर गुन्हा दाखल करून दुचाकी जप्त करण्यात आल्या.

- Coronavirus : देशावर अद्यापही कोरोनाचे सावट; अशी आहे परिस्थिती!

डी. बी. पथकाचे सहाय्यक फौजदार चांदीलकर, पोलिस हवालदार बाळासाहेब सकाटे, सदाशिव गायकवाड, विकास कुंभार, ऋषिकेश व्यवहारे, कीर्ती नरवडे यांनी ही कारवाई केली.