Otur News : ओतूर वनविभागाकडून विहीरीत पडलेल्या बिबट्याला जीवदान

ओतूर - ता.जुन्नर येथील तेलदरा येथे विहिरीत पडलेल्या बिबट्याला वनविभागाकडून जीवदान देण्यात आले आहे. याबाबत ओतूर वनपरीक्षेत्र अधिकारी वैभव काकडे यांनी माहिती दिली की ओतूर येथील तेलदरा येथे दशरथ भिवा केदार यांच्या मालकीच्या घर शेजारील विहीरीत बिबट्या पडला.

सदर घटना ओतूर वनविभागाला समजताच वनपरिक्षेत्र अधिकारी वैभव काकडे,वनपाल सुधाकर गीते,वनरक्षक विश्वनाथ बेले, पी.के.खोकले, माणिकडोह बिबट निवारण केंद्रातील पशुवैद्यकीय अधिकारी डाॅ. चंदण सावणे, बिबट रेस्कुटीम सदस्यचे किसन केदार, फुलचंद खंडागळे ,शिवाजी मधे ,

गंगाराम जाधव, भरत पारधी ,साहेबराव पारधी,गणपत केदार याच्या पथकाने विहिरीतल बिबट रेस्कु करून त्या बिबट्यास माणिकडोह बिबट निवारण केंद्रात उपचारासाठी पाठविण्यात आले.

सदर बिबट पहाटे तीन वाजेपर्यंत दरम्यान भक्षाचा पाठलाग करताना विहिरीत पडला असल्याचा प्राथमिक अंदाज वनविभागाकडून व्यक्त करण्यात आला. हा बिबट मादी असून अंदाजे दिड वर्ष वयाचा असल्याची माहिती वनविभागाकडून देण्यात आली.