किरकटवाडी : पुणे महानगरपालिकेचे कर्मचारी असल्याचे भासवत खडकवासला येथे गांजा खरेदीसाठी आलेल्या दोघांना हवेली पोलिसांनी अटक केली. खडकवासला येथे नाकाबंदी दरम्यान रविवारी (ता.१२) ही कारवाई करण्यात आली.
ऋषी रवींद्र मोरे (वय २२) आणि सागर चंद्रकांत सुर्वे (वय २०, दोघेही रा. पर्वती) असे अटक करण्यात आलेल्या आरोपींची नावे आहेत.
पुणे महानगरपालिका कर्मचाऱ्यांचा गणवेश घातलेले हे तोतया कर्मचारी जाताना खडकवासला येथे आईला डब्बा द्यायला चाललो आहे, असे सांगून गेले होते.
त्यांना येताना उशीर झाल्याच्या संशयावरून पोलिस हवालदार राजेंद्र मुंडे यांनी त्यांना तपासले असता त्यांच्याकडे जेवणाच्या डब्यात सुमारे ३०० ते ४०० ग्रॅम गांजाच्या पुड्या आढळून आल्या.
त्यांच्याकडे अधिक चौकशी केली असता ते महानगरपालिका कर्मचारी नसल्याचे त्यांनी सांगितले. दोन्ही आरोपींना अटक करण्यात आलेली असून त्यांच्यावर योग्य ती कारवाई करण्यात येणार असल्याचे हवेली पोलिस स्टेशनचे पोलिस निरीक्षक अशोक शेळके यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
