पुणे : लाॅकडाऊन काळात उत्तरपत्रिका संकलनासाठी शिक्षकांना प्रवासासाठी परवानगी मिळावी, यासाठी महाराष्ट्र राज्य शिक्षण मंडळाने शासनाकडे प्रस्ताव पाठविला आहे. त्यानंतर संकलन केंद्र उभारायचे की थेट बोर्डाच्या कार्यालयात पेपर जमा करायचे, याचा विचार केला जाणार आहे.
महाराष्ट्र राज्य शिक्षण मंडळातर्फे इयत्ता १२ वी व १०वीची परीक्षा घेण्यात आली. १२वीची परीक्षा लाॅकडाऊन जाहीर होण्यापूर्वी संपल्याने उत्तरपत्रिका तपासणी ही गतीने झाली आहे. सध्या १२वीचे जवळपास ८० टक्के उत्तरपत्रिका तपासून पूर्ण झाल्या आहेत. तर इयत्ता १०वीच्या ५० ते ६० टक्के पूर्ण झाले आहे.
शिक्षकांना १२वीच्या उत्तरपत्रिका संबंधित विभागीय कार्यालयात जमा करायच्या आहेत, पण लाॅकडाऊन मुळे त्यांना प्रवास करता येत नाही. विशेषतः याचा जास्त ग्रामीण भागातील शिक्षकांना होत असून, जिल्हाबंदी मुळे विभागीय मंडळात उत्तरपत्रिका जमा करता येत नाहीत. त्यामुळे प्रत्येक जिल्ह्यात चार संकलन केंद्र सुरू करावीत. परीक्षक त्यांनी तपासलेल्या उत्तरपत्रिका नियामकांकडे देईल व नियामक त्या संकलन केंद्रात जमा करेल असा पर्याय शिक्षक संघटनांना शिक्षण मंडळाकडे दिला आहे.
दरम्यान, लाॅकडाऊन काळात उत्तरपत्रिका संकलीत करून वेळेत निकाल लावणे आवश्यक आहे. यासाठी शिक्षकांना प्रवास करू देण्यासाठी व वाहन वापरू द्यावे, यासाठी महाराष्ट्र राज्य शिक्षण मंडळाकडून शासनाला प्रस्ताव पाठविण्यात आला आहे. त्यावर शिक्षण विभाग, गृह विभाग यांच्यात चर्चा झाल्यावरच निर्णय होणे अपेक्षित आहे. त्यामुळे उत्तरपत्रिका संकलन अधांतरीत आहे.
राज्य शिक्षण मंडळाचे सचिव अशोक भोसले म्हणाले, "उत्तरपत्रिका संकलनासाठी आमचे प्रयत्न सुरू आहेत. शिक्षकांना प्रवासासाठी परवानगी मिळावी शासनाकडे प्रस्ताव पाठवला आहे."
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.