700 किलोमीटरचे सीसीटीव्ही चित्रीकरण तपासले आणि हाती आली चोरांची टोळी

पुणे : पुण्यासह राज्यातील अन्य शहरांमध्ये चोरीचे गुन्हे करणाऱ्या आंतरराज्य टोळीच्या फरासखाना पोलिसांनी मुसक्‍या आवळल्या. तब्बल सातशे किलोमीटरच्या सीसीटीव्ही चित्रीकरण तपासून पोलिसांनी आरोपींचा माग काढत आरोपींना कर्नाटकमधून अटक केली. लक्ष्मण आचारी, शंकर लक्ष्मण आचारी, श्रीनिवास लक्ष्मण आचार, संजु व्येंकटेश नायडू, यादगीर लक्ष्मण आचारी व हरीश शेट्टी, मेरी व्येंकटेश आचारी, व्येंकटेश नायडू, शांता लक्ष्मण आचारी, आचारी अशी अटक केलेल्या आरोपींची नावे आहेत.

पोलिसांनी दिलेल्या माहितीनुसार, देहूगावातील सोने-चांदी विक्रेते करण माळी (वय 35) यांनी 31 डिसेंबरला रविवार पेठेमध्ये त्यांची कार पार्कींग केली होती. त्यावेळी त्यांच्या गाडीवर ऑईल सांडल्याचे भासवून त्यांच्या गाडीतील 55 लाख 62 हजार रुपये किंमतीचे सोन्या-चांदीचे दागिने लंपास केले होते. या घटनेची फरासखाना पोलिस ठाण्यात फिर्याद दाखल करण्यात आली होती.

​- पुण्याच्या बातम्या वाचण्यासाठी येथे ► क्लिक करा

फरासखाना पोलिसांकडून आरोपींचा शोध घेण्याचे काम सुरू होते. या घटनेचा तपास करताना पोलिसांनी घटना घडलेल्या ठिकाणापासून ते सासवड पर्यंतचे 700 सीसीटीव्ही तपासले. सीसीटीव्हीतील संशयास्पदरीत्या फिरणाऱ्या अनोळखी दुचाकीस्वारांचा माग काढत पोलिस सासवडपर्यंत पोचले.

सासवडमधील एका बांधकाम प्रकल्पातील कामगारापर्यंत पोचल्यानंतर तेथील एका कामगाराला ताब्यात घेतले. त्याच्याकडे चौकशी केल्यानंतर त्याने संबंधीत आरोपींनी त्यांचा मोबाईल वापरल्याचे पोलिसांच्या निदर्शनास आले.

- कौतुकास्पद! पुण्यातील रिक्षा चालकाच्या मुलीला अमेरिकेतील कॉलेजची २ कोटींची स्कॉलरशिप​

वरिष्ठ पोलिस निरीक्षक राजेंद्र लांडगे यांच्या मार्गदर्शनाखाली तांत्रिक तपासावरुन पोलिसांनी कर्नाटकमधून शंकर आचारी यास अटक केली. त्याच्या चौकशीमध्ये त्याने त्याच्या साथीदारांसह हा गुन्हा केल्याची कबुली दिली. त्यानंतर पोलिसांनी त्याच्या इतर साथीदारांचा शोध घेऊन त्यांना अटक केली. आरोपींनी फरासखाना पोलिस ठाण्यासह कोथरुड पोलिस ठाण्यातही याच पद्धतीने चोरी केल्याची कबुली दिली. 
 
अशी आहे गुन्हे करण्याची पद्धती 
पोलिसांनी अटक केलेली टोळी वेगवेगळ्या राज्यात जाते. तेथे गेल्यानंतर लहान मुलांच्या मदतीने वाहनांवर ऑईल टाकणे, घाण टाकणे असे प्रकार करतात. त्यानंतर गाडीची डिकी, काच उघडून पैशांची, वस्तुंची चोरी करतात.याबरोबरच गर्दीचा फायदा घेऊन सोने, पैसे चोरणे, पाकीट चोरणे यांसारखे गुन्हेही करीत असल्याचे पोलिस तपासात निष्पन्न झाले. 

- पठ्ठ्यानं डेरिंग केली! बायकोच्या क्रेडिट कार्डवरून भरला चक्क गर्लफ्रेंडचा दंड!​
- विराट कोहली आणि तमन्नाला केरळ हायकोर्टाची नोटीस; काय आहे प्रकरण?​