पुणे : राज्यात चक्राकार वाऱ्यांची स्थिती अद्याप कायम आहे. त्यामुळे राज्यातील काही भागांमध्ये दुपारनंतर पाऊस पडल्याचे पाहायला मिळाले. दरम्यान उद्या रविवारी (ता.3) मध्य महाराष्ट्र आणि मराठवाड्यात हवामान कोरडे असेल, तर विदर्भातील तुरळक ठिकाणी पाऊस होण्याची शक्यता हवामान विभागाने वर्तवली आहे.
भारतीय हवामान विभागाच्या माहितीनुसार, रविवारपासून राज्यातील विविध भागांमध्ये हवामान कोरडे राहणार असून विदर्भात मेघागर्जनांसह पाऊस पडणार असल्याचा इशारा देण्यात आला होता. गेल्या काही दिवसांपासून राज्यात चक्राकार वारे वाहत आहेत. या वाऱ्यांमध्ये असलेल्या आर्द्रतेमुळे मध्य महाराष्ट्र आणि विदर्भात अवकाळी पाऊस पडत आहे.
शनिवारी (ता.2) मध्य महाराष्ट्र आणि विदर्भातील काही भागांमध्ये पावसाने हजेरी लावली. गेल्या 24 तासांमध्ये राज्यातील कमाल तापमान सरासरीच्या जवळपास होते. तर राज्यातील सर्वाधिक कमाल तापमान अकोला येथे 43.2 अंश सेल्सिअस इतके नोंदवले गेले आहे.
शनिवारी शहर आणि परिसरातील काही भागांमध्ये सायंकाळी ढगाळ वातावरण निर्माण झाले. ढगांच्या कडकडाटासह शहरातील विविध भागांमध्ये हलका ते मध्यम स्वरूपाचा पाऊस पडला. तसेच विजांच्या कडकडाटासह वादळी वारेसुद्धा वाहत होते. त्यामुळे वातावरणात गारवा पसरला होता. तसेच काल (ता.1) शहरात झालेल्या जोरदार पावसामुळे नागरिकांमध्ये चिंतेचे वातावरण निर्माण झाले आहे.
दरम्यान शहर आणि परिसरात रविवारी (ता.3) दुपारनंतर अंशतः ढगाळ वातावरण राहणार असून मंगळवारपासून (ता.5) वातावरण कोरडे राहणार असल्याचा अंदाज हवामान विभागाने वर्तविला आहे. शनिवारी शिवाजीनगर येथे 38.3 अंश सेल्सिअस, पाषाण 38.8 अंश सेल्सिअस, तर लोहगाव येथे 39.7 अंश सेल्सिअस इतक्या कमाल तापमानाची नोंद झाली.
- पुण्याच्या बातम्या वाचण्यासाठी येथे ► क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.