पुणे : ‘‘रिपब्लिकन पक्ष हा सर्व जाती-धर्मांचा, समाजातील उपेक्षित वर्गाचा, तरुणांचा, महिलांचा पक्ष असून, त्याला सर्वसमावेशक स्वरूप देण्याचे कार्य हाती घेणार आहे. तमिळनाडू, आसाम, केरळ आणि पुदुच्चेरी या राज्यांत रिपब्लिकन पक्ष विधानसभा निवडणुकीत उमेदवार उभे करणार आहे,’’ अशी माहिती केंद्रीय सामाजिक न्याय राज्यमंत्री रामदास आठवले यांनी रविवारी पत्रकार परिषदेत दिली. पश्चिम बंगालमध्ये सर्वच जागांवर भाजपला पाठिंबा देणार असल्याचेही त्यांनी सांगितले.