...म्हणून लोहगाव एअरपोर्टवरील सुरक्षेत दुप्पट वाढ!

Pune-Airport
Pune-Airport

पुणे : मंगळूरच्या विमानतळावर तिकीट काऊंटरजवळ स्फोटकांची बॅग सापडल्यामुळे लोहगाव विमानतळावरही सोमवारी (ता.20) दुपारपासून सुरक्षा व्यवस्था दुप्पट करण्यात आली. प्रजासत्ताक दिनाच्या पार्श्‍वभूमीवरही विशेष खबरदारी घेण्यात येत असल्याचे प्रशासनाने स्पष्ट केले.

देशातील विमानतळांची जबाबदारी असणाऱ्या केंद्रीय सुरक्षा औद्योगिक दलातील (सीआयएसएफ) दिल्लीतील अधिकारी 'सकाळ टाईम्स'शी बोलताना म्हणाले, ''मंगळूरच्या घटनेनंतर सर्वच विमानतळांवरील सुरक्षा व्यवस्थेत आम्ही वाढ केली आहे. प्रवासी, कर्मचारी यांची कसून तपासणी करण्यात येत आहे.

तसेच विमानतळाच्या प्रवेशद्वारांवर, पार्किंगमध्येही लक्ष ठेवले आहे.'' खबरदारीचा उपाय म्हणून शीघ्र कृती दल, बॉम्ब शोधक व नाशक पथक तसेच श्‍वान पथक तैनात केले आहे, असेही त्यांनी सांगितले.

याबाबत विमानतळाचे संचालक अजयकुमार म्हणाले, ''प्रजासत्ताक दिनामुळे विमान कंपन्यांना सुरक्षिततेबाबत सतर्क राहण्याच्या सूचना दिल्या आहेत. उड्डाणापूर्वी दोन तास अगोदर प्रवाशांनी उपस्थित राहावे, अशा सूचना त्यांना दिल्या आहेत. विमानतळाजवळही सतर्कतेचा इशारा दिला आहे.''

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com