
बारामती, ता. ५ : तालुक्यात एकच व्यक्ती एकहून अधिक पदावर कार्यरत असून, दोन्ही ठिकाणचा पगार व मानधन घेत असल्याचा आरोप सामाजिक कार्यकर्ते पोपट धवडे यांनी केला असून, या प्रकरणी कारवाईची मागणी केली आहे.
पुणे जिल्हा परिषदेचे मुख्य कार्यकारी अधिकारी गजानन पाटील यांना पत्र लिहून या संपूर्ण प्रकारात दोषी असलेले कर्मचारी व अधिकारी यांच्यावर कारवाई करून वसुली करावी अशी मागणी धवडे यांनी केली आहे. या पत्रामध्ये त्यांनी 53 गावांची यादीच जोडलेली असून, नावानिशी कोण कर्मचारी कोणते काम करतो आणि अतिरिक्त कोणत्या कामाचे पैसे त्याला अदा केले जातात, याबाबतची माहिती दिलेली आहे. एका वेळी एकाच पदाचा पगार किंवा मानधन घेणे अपेक्षित असताना प्रत्यक्षात 53 ठिकाणी एकापेक्षा जास्त पदावर काम करून दोन किंवा त्याहून अधिक पदांचा पगार किंवा मानधन संबंधितांनी घेतल्याचे दिसत असल्याचे धवडे यांनी नमूद केले आहे.
ग्रामपंचायत कर्मचारी, ग्रामरोजगार सेवक, आशा स्वयंसेविका, संगणक चालक, ऑपरेटर, अंगणवाडी मदतनीस, अंगणवाडी सेविका यांना एकाच वेळेस दोन पदांचा लाभ देण्यात आल्याचे दिसत आहे. त्याची सखोल चौकशी व्हावी, या संदर्भात त्रिसदस्यीय समिती नेमून पंधरा दिवसात चौकशी करून अहवाल प्राप्त होताच, कारवाई करावी, अशी त्यांची मागणी आहे.
याबाबत माहिती घेऊन, चौकशी करून वरिष्ठ स्तरावर अहवाल पाठविणार असल्याचे गटविकास अधिकारी अनिल बागल यांनी नमूद केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.