Adani Group: पुढील 10 वर्षांत अदानी समूह 'या' व्यवसायात करणार 60 हजार कोटींची गुंतवणूक; काय आहे प्लॅन?

Adani Group Airport Business: अदानी समूह पुढील 5 ते 10 वर्षांमध्ये 7 विमानतळांच्या विस्तारासाठी 60,000 कोटी रुपयांची गुंतवणूक करण्याची योजना आखत आहे. या विमानतळांची क्षमता वाढवून कंपनीचे उत्पन्न वाढवण्याचा अदानी समूहाचा विचार आहे. (Adani Group Plans To Give Its Airport Business A Rs 60,000 Crore Boost In Next 10 Years)

अदानी एअरपोर्ट्स होल्डिंग्जचे (एएएचएल) मुख्य कार्यकारी अधिकारी (सीईओ) अरुण बन्सल म्हणाले की, येत्या पाच वर्षांत 'एअरसाइड'वर 30,000 कोटी रुपये खर्च केले जातील. एअरसाइडमध्ये विमानाची धावपट्टी, विमानाची देखभाल आणि इंधन भरणे यासारख्या सर्व सुविधांचा समावेश होतो.

सध्या अदानी एअरपोर्टकडे 7 विमानतळ आहेत – ज्यामध्ये मुंबई, अहमदाबाद, लखनौ, मंगळुरु, गुवाहाटी, जयपूर आणि तिरुवनंतपुरम यांचा समावेश आहे.

गौतम अदानी समूहाने पुढील दशकात विमानतळ व्यवसायात एकूण 78000 कोटी रुपयांची गुंतवणूक करण्याची योजना आखली आहे. गौतम अदानी समूह विमान धावपट्टी, टॅक्सीवे, विमान पार्किंग स्टँड आणि टर्मिनलसह शहराच्या बाजूच्या पायाभूत सुविधांच्या स्वरूपात गुंतवणूक करणार आहे. यामध्ये हॉटेल्स, शॉपिंग मॉल्स इत्यादींचाही समावेश आहे.

गौतम अदानी समूहाचे नवी मुंबई विमानतळ मार्च 2025 पर्यंत कार्यान्वित होण्याची अपेक्षा आहे. उत्तर प्रदेशची राजधानी लखनऊ विमानतळाच्या नवीन टर्मिनलचे पंतप्रधान नरेंद्र मोदी यांच्या हस्ते नुकतेच उद्घाटन करण्यात आले.

2021 मध्ये, कंपनीने मुंबई विमानतळ ताब्यात घेतले. गौतम अदानी समूहाकडे सध्या 8 विमानतळ आहेत आणि 2040 पर्यंत गौतम अदानी समूह त्यांची क्षमता 25 ते 30 कोटी प्रवाशांपर्यंत नेण्यावर भर देत आहे.

अदानी एअरपोर्ट होल्डिंग्जचे सीईओ अरुण बन्सल म्हणाले की, अदानी समूह 2040 पर्यंत 25 ते 30 कोटी प्रवासी क्षमता ठेवण्याची तयारी करत आहे. सध्या समूहाच्या सात विमानतळांची क्षमता 7.3 कोटी रुपये आहे. नवी मुंबई विमानतळाचे काम सध्या सुरू आहे.

बन्सल म्हणाले, 'सध्या देशाच्या 1.4 अब्ज लोकसंख्येपैकी केवळ 30 कोटी लोक विमानाने प्रवास करत आहेत. विमान कंपन्यांनी ज्या पद्धतीने विमानांच्या ऑर्डर दिल्या आहेत, त्यावरून असे दिसते की 2030 पर्यंत देशातील विमानांची संख्या 3,000 पर्यंत पोहोचेल. सध्या देशात सुमारे 700 विमाने आहेत.