Adani Group Stocks : 24 जानेवारी 2023 रोजी यूएस शॉर्ट-सेलर हिंडेनबर्ग रिसर्चने अदानी समूहावर अकाउंटिंग फ्रॉड आणि स्टॉक मॅनिपुलेशनसह गंभीर आरोप केले होते. यानंतर 10-सूचीबद्ध अदानी समूहाच्या कंपन्यांच्या शेअर्सला मोठा फटका बसला आहे.
भारतीय लाइफ इन्शुरन्स कॉर्पोरेशन ऑफ इंडियाने (LIC), सर्वात मोठी देशांतर्गत संस्थात्मक गुंतवणूकदार, अदानी समूहाच्या शेअर्समध्ये गुंतवणुक केली आहे. या गुंतवणुकीत LIC ला 49,728 कोटी रुपयांचे प्रचंड नुकसान झाले आहे. (LIC Notional Loss At Rs 50,000 Crore In 50 Days)
अदानी एंटरप्रायझेस, अदानी ग्रीन एनर्जी, अदानी पोर्ट्स आणि स्पेशल इकॉनॉमिक झोन, अदानी टोटल गॅस, अदानी ट्रान्समिशन, अंबुजा सिमेंट्स आणि एसीसी या सात अदानी कंपन्यांच्या शेअर्समध्ये गुंतवणुक केली होती.
एलआयसीच्या गुंतवणुकीचे एकत्रित बाजार मूल्य 23 फेब्रुवारी रोजी 82,970 कोटी रुपयांवरून 31 डिसेंबर 2022 पर्यंत 33,242 कोटी रुपयांवर घसरले.
31 डिसेंबर 2022 पर्यंत अदानी शेअर्सचे बाजार मूल्य आणि त्यांचे सध्याचे बाजार मूल्य यांच्यातील फरकावर आधारित आहे. 31 डिसेंबर 2022 पर्यंत LIC ची एकूण इक्विटी अॅसेट अंडर मॅनेजमेंट (AUM) रु. 10.91 लाख कोटी होती.
वर्षभराच्या (YTD) आधारावर, अदानी टोटल गॅसचे शेअर्स गुरुवारपर्यंत सर्वाधिक 78.50 टक्क्यांनी घसरले आहेत.
त्यापाठोपाठ अदानी ग्रीन एनर्जी 73.50 टक्क्यांनी घसरले, अदानी ट्रान्समिशन 71.10 टक्क्यांनी घसरले, अदानी एंटरप्रायझेस 64.10 टक्क्यांनी घसरले, अदानी पॉवर 48.40 टक्क्यांनी घसरले आणि नवी दिल्ली टेलिव्हिजन 41.80 टक्क्यांनी घसरले आहेत.
हिंडेनबर्ग अहवाल प्रसिद्ध झाल्यापासून एका महिन्यात गौतम अदानी यांच्या संपत्तीवर परिणाम झाला आहे. ब्लूमबर्ग अब्जाधीशांच्या निर्देशांकात त्यांची 29 व्या स्थानावर घसरण झाली आहे.
हिंडेनबर्ग संशोधन अहवाल प्रसिद्ध झाल्यापासून, अदानी यांच्या संपत्तीत सुमारे 75 अब्ज डॉलरची घट झाली आहे. या वर्षी त्यांची संपत्ती सुमारे 77.9 अब्ज डॉलरने कमी झाली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.