Gold Silver Rate: सोन्याच्या भावात 330 रुपयांनी घसरण, चांदीही स्वस्त; जाणून घ्या आजचा भाव

Gold Silver Price Today 1st June 2023: सोन्या-चांदीच्या दरात घसरण झाली आहे. आज सोने 330 रुपयांनी स्वस्त झाले आहे. त्यामुळे 10 ग्रॅम सोन्याचा भाव 59834 रुपयांवर पोहोचला आहे. चांदीच्या भावातही 260 रुपयांची घसरण झाली आहे.

चांदी 71840 रुपये प्रति किलो आहे. देशांतर्गत सराफा बाजारात सोन्या-चांदीच्या भावात घसरण होण्याचे कारण म्हणजे डॉलर मजबूत स्थितीत आहे. डॉलरच्या मजबूतीमुळे आंतरराष्ट्रीय बाजारात सोन्या-चांदीच्या किंमतीही नरमल्या आहेत.

सोन्या-चांदीचे भाव आणखी घसरतील का? यावर कमोडिटी मार्केट तज्ज्ञ आणि आयआयएफएल सिक्युरिटीजचे उपाध्यक्ष अनुज गुप्ता म्हणाले की, येत्या काही दिवसांत सोन्या-चांदीच्या किंमती आणखी वाढ होण्याची अपेक्षा आहे.

देशातील काही महत्वाच्या शहरातील 24 कॅरेट साठी 10 ग्रॅम सोन्याचा भाव जाणून घ्या

• दिल्ली - 60,930 रुपये

• हैदराबाद - 60,760 रुपये

• कोलकत्ता - 60,760 रुपये

• लखनऊ - 60,930 रुपये

• मुंबई - 60,760 रुपये

• पुणे - 60,760 रुपये

• नागपूर - 60,760 रुपये

सोन्याची शुद्धता कशी जाणून घ्यावी :

सोन्याची शुद्धता ओळखण्यासाठी आयएसओ (इंडियन स्टँडर्ड ऑर्गनायझेशन) द्वारे हॉल मार्क दिले जातात. 24 कॅरेटवर 999, 23 कॅरेटवर 958, 22 कॅरेटवर 916, 21 कॅरेटवर 875 आणि 18 कॅरेटवर 750 लिहीलेलं असतं.

बहुतेक सोने 22 कॅरेटमध्ये विकले जाते, तर काही लोक 18 कॅरेट देखील वापरतात. सोने 24 कॅरेट पेक्षा जास्त विकलं जातं. कॅरेट जितके जास्त असेल तितके अधिक शुद्ध सोने म्हटले जाते.

22 आणि 24 कॅरेटमध्ये काय फरक आहे?

24 कॅरेट सोने 99.9% शुद्ध आहे आणि 22 कॅरेट अंदाजे 91% शुद्ध असतं. 22 कॅरेट सोन्यात तांबे, चांदी, जस्त यांसारख्या 9% इतर धातूंचे मिश्रण करून दागिने तयार केले जातात. 24 कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार 22 कॅरेटमध्ये सोने विकतात.

हॉलमार्क (Hallmark):

सोने खरेदी करताना लोकांनी त्याची गुणवत्ता लक्षात घेतली पाहिजे. हॉलमार्क चिन्ह पाहिल्यानंतरच खरेदी करावी.

सोन्याची सरकारी हमी असते, ब्युरो ऑफ इंडियन स्टँडर्ड्स (BIS) हॉलमार्क ठरवते. हॉलमार्किंग योजना ब्यूरो ऑफ इंडियन स्टँडर्ड्स अॅक्ट, नियम आणि नियमन अंतर्गत कार्य करते.

नवा नियम:

केंद्र सरकारने सोन्याच्या दागिन्यांच्या विक्रीच्या नियमांमध्ये बदल करताना 1 एप्रिल 2023 पासून कोणत्याही सोन्याच्या दागिन्यांवर 6-अंकी हॉलमार्क युनिक आयडेंटिफिकेशन नंबर (HUID) असणे आवश्यक आहे.

मार्चमध्ये माहिती देताना भारतीय मानक ब्युरो (BIS) ने म्हटले होते की, नवीन आर्थिक वर्षात कोणताही दुकानदार 6 अंकी हॉलमार्क युनिक आयडेंटिफिकेशन (HUID) शिवाय सोन्याचे दागिने विकू शकणार नाही.