PPBL Crisis: आरबीआयच्या कारवाईचा परिणाम! पेटीएम आणि पेटीएम पेमेंट बँक होणार वेगळे, काय आहे कारण?

Paytm Payment Bank: एक महिन्यापूर्वी रिझर्व्ह बँक ऑफ इंडियाने पेटीएमच्या पेमेंट बँकेला 15 मार्च नंतर काम करण्यास बंदी घातली होती. शुक्रवारी पेटीएमने जाहीर केले की ते पेटीएम पेमेंट बँक आणि पेटीएमचे ऑपरेशन वेगळे करणार आहे. पेटीएम यापुढे आपल्या ग्राहकांना त्या ऑफर देणार नाही ज्या ते पेटीएम पेमेंट बँकेद्वारे देत होते. (Impact of RBI Scrutiny, Paytm Decided to Separate from Paytm Payment Bank)

पेटीएमच्या बोर्डाने सहयोगी संस्था, पेटीएम पेमेंट बँकेसह अनेक करार रद्द करण्यास मान्यता दिली आहे. पेटीएमची मूळ कंपनी वन 97 कम्युनिकेशन्सने 1 मार्च रोजी स्टॉक एक्सचेंजला याची माहिती दिली. यापूर्वी, पेटीएमने घोषणा केली होती की ती इतर बँकांसोबत नवीन भागीदारी करेल आणि ग्राहकांना आणि व्यापाऱ्यांना सेवा देण्यासाठी काम करेल.

पेटीएम पेमेंट्स बँकेवर आरबीआयची बंदी

रिझर्व्ह बँक ऑफ इंडिया (RBI) ने पेटीएम पेमेंट्स बँकेवर केलेल्या कारवाईमुळे हे पाऊल उचलले आहे. RBI ने पेटीएम पेमेंट्स बँकेला 15 मार्च 2024 नंतर ग्राहकांच्या खात्यांमध्ये आणि वॉलेटमध्ये पैसे स्वीकारण्यास मनाई केली आहे.

बँकेला खात्यातून पैसे काढण्याशिवाय सर्व बँकिंग सेवा बंद करण्याच्या सूचना देण्यात आल्या आहेत. यापूर्वी आरबीआयने पेटीएम पेमेंट्स बँकेला हे करण्यासाठी 29 फेब्रुवारीपर्यंत मुदत दिली होती. नंतर त्यात वाढ करण्यात आली.

पेटीएमच्या शेअर्समध्ये वाढ

1 मार्च रोजी पेटीएमचे शेअर्स वाढत आहेत. सकाळी BSE वर शेअर 413.55 रुपयांच्या वाढीसह उघडला. सकाळी 9.30 च्या सुमारास शेअर 3 टक्क्यांच्या वाढीसह 417.65 रुपयांवर व्यवहार करत होता. गेल्या एका महिन्यात स्टॉक 33 टक्क्यांनी घसरला आहे.

कंपनीचे मार्केट कॅप 26,526 कोटी रुपये आहे. अलीकडेच, पेटीएमचे संस्थापक आणि सीईओ विजय शेखर शर्मा यांनी पेटीएम पेमेंट्स बँकेच्या अर्धवेळ नॉन-एक्झिक्युटिव्ह अध्यक्षपदाचा राजीनामा दिला आहे.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.