Money Management Tips: 'होळी'च्या सणातून घ्या मनी मॅनेजमेंटचे धडे; आनंदांच्या रंगांनी भरून जाईल आयुष्य

Financial Tips From Holi: आज संपूर्ण भारतात रंगांचा सण म्हणजेच होळी मोठ्या थाटामाटात साजरी केली जात आहे. या सणाला सांस्कृतिक महत्त्व आहे, वाईटावर चांगल्याचा विजय म्हणून या सणाकडे पाहिले जाते. पण यासोबतच होळीच्या सणातून तुम्ही तुमचे मनी मॅनेजमेंटही शिकू शकता.

तुमचा पैसा सुरक्षित कसा ठेवावा, कुठे आणि कशी गुंतवणूक करावी, गुंतवणूक करताना कोणत्या गोष्टी लक्षात ठेवाव्यात, या सर्व गोष्टी तुम्ही होळीमधून शिकू शकता. होळीचा सण आपल्याला आर्थिक उद्दिष्टे कशी साध्य करायची आणि आपले आर्थिक आरोग्य कसे सुधारायचे हे सांगतो.

1. नवीन आर्थिक वर्षाच्या अगदी आधी होळी साजरी केली जाते

होळी हा सण बहुतेक वेळा मार्च महिन्यात साजरी केली जाते. हा महिना चालू आर्थिक वर्षाचा शेवटचा महिना आहे, त्यानंतर नवीन आर्थिक वर्ष सुरू होते. म्हणजेच, मार्च हा असा महिना आहे जेव्हा बहुतेक गुंतवणूकदारांनी त्यांच्या पैशांचे व्यवस्थापन केले पाहिजे आणि ते योग्यरित्या शिकले पाहिजे. तुमच्या पैशांच्या व्यवस्थापनाबाबत होळीतून तुम्ही काय शिकू शकता ते जाणून घ्या.

2. वाईट कर्जाचे व्यवस्थापन करा

होलिका दहन हे वाईटाच्या अंताचे प्रतीक आहे, म्हणून वाईट कर्जे फेडण्याचा प्रयत्न करा. वाढती कर्जे हा पैसा व्यवस्थापनाच्या मार्गातील सर्वात मोठा अडथळा आहे. जेव्हा क्रेडिट कार्डची थकबाकी किंवा बँकेकडून घेतलेले कर्ज याचे योग्य व्यवस्थापन केले जात नाही, तेव्हा त्याचे रुपांतर बुडीत कर्जात होते. असे कर्ज तुमचे आर्थिक नियोजन आणि CIBIL स्कोअर खराब करू शकते. त्यामुळे स्वत: ला कर्जमुक्त करण्यासाठी बचत सुरू करा.

3. पैशांची सुरक्षा

होळीचा सण आनंददायी राहावा यासाठी तुम्ही जशी तुमची त्वचा, केस आणि इतरांच्या सुरक्षेची काळजी घेतो, त्याचप्रमाणे गुंतवणुकीसाठी तुमचा पोर्टफोलिओ निवडताना हे लक्षात ठेवा. उदाहरणार्थ, जर तुम्ही जोखीम घेऊ शकत नसाल तर इक्विटीमध्ये गुंतवणूक करण्यापासून दूर राहा आणि बँक एफडीमध्ये गुंतवणूक करा.

4 . जास्त खर्च करण्याची सवय

सध्या आर्थिक नियोजनातला सर्वात मोठा अडथळा म्हणजे अति खर्च करण्याची सवय. तुमच्या खर्च करण्याच्या सवयींवर लक्ष ठेवा आणि अनावश्यक खर्चाला आळा घाला. त्याऐवजी बचत करण्याची सवय लावा.

5. तुमच्या आर्थिक उद्दिष्टांवर लक्ष केंद्रित करा

होळीच्या सणाच्या वेळी, जेव्हा आपण एखाद्यावर रंग किंवा पाणी टाकतो तेव्हा आपण काळजी घेतो. त्याचप्रमाणे, जेव्हा तुम्ही गुंतवणूक करता तेव्हा काळजी घेणे महत्त्वाचे असते. तुमच्या चांगल्या आर्थिक स्थितीसाठी आणि मुलाच्या शिक्षणाचा खर्च, घर किंवा कार खरेदी करणे, सेवानिवृत्ती इत्यादीसारख्या तुमच्या आर्थिक उद्दिष्टांसाठी हे महत्त्वाचे आहे.

6. वेगवेगळ्या ठिकाणी गुंतवणूक करा

होळीच्या सणामध्ये खेळल्या जाणाऱ्या विविध रंगांचे जसे स्वतःचे महत्त्व असते, त्याचप्रमाणे तुमच्या गुंतवणुकीच्या पोर्टफोलिओमध्येही विविधता असायला हवी.

वेगवेगळ्या ठिकाणी गुंतवणूक करावी. म्हणून, तुम्ही तुमच्या जोखीम क्षमतेनुसार आणि मालमत्तेनुसार म्युच्युअल फंड, स्टॉक्स, बाँड्स, बँक मुदत ठेवी आणि लहान बचत योजना यांसारख्या विविध गुंतवणूक योजनांमध्ये गुंतवणूक करा.