RBI Action: रिझर्व्ह बँकेने 2 बँकांना दिला झटका; तुमचे खाते आहे का? जाणून घ्या संपूर्ण प्रकरण

Penalty on BoI and Bandhan Bank: रिझर्व्ह बँक ऑफ इंडिया नियमांचे उल्लंघन करणाऱ्या बँकांवर कारवाई करत आहे. अलीकडे पेटीएम पेमेंट बँकेवर बंदी घातल्यानंतर अनेक बँकांवर कारवाई करण्यात आली असून दंडही ठोठावण्यात आला आहे. आरबीआयने दोन बँकांवर कारवाई केली. (RBI imposes penalty on Bank of India, Bandhan Bank)

बँक ऑफ इंडिया आणि बंधन बँकेला ठोठावला दंड

रिझर्व्ह बँकेने बुधवारी सांगितले की, काही नियमांचे पालन न केल्याबद्दल बँक ऑफ इंडियाला 1.4 कोटी रुपयांचा दंड ठोठावला आहे. यासोबतच काही सूचनांचे पालन न केल्याबद्दल रिझर्व्ह बँकेने खासगी क्षेत्रातील बंधन बँकेला 29.55 लाख रुपयांचा दंडही ठोठावला आहे.

'ठेवीवरील व्याज दर', 'बँकांमधील ग्राहक सेवा', 'कर्जावरील व्याज दर' आणि क्रेडिट माहिती कंपनी नियम, 2006 च्या तरतुदींचे उल्लंघन करण्यासंबंधी RBI निर्देशांचे पालन न केल्याबद्दल बँक ऑफ इंडियाला दंड ठोठावला आहे.

रिझर्व्ह बँकेने म्हटले आहे की 'NBFCs (रिझर्व्ह बँक) मार्गदर्शक तत्त्वे, 2016' आणि KYC निर्देशांमधील काही तरतुदींचे पालन न केल्याबद्दल इंडोस्टार कॅपिटल फायनान्स लिमिटेडवर 13.60 लाख रुपये दंड आकारला जाईल.

यापूर्वी एसबीआयला दंड ठोठावण्यात आला होता

याआधी भारतीय रिझर्व्ह बँकेने स्टेट बँक ऑफ इंडियाला (SBI) 2 कोटी रुपयांचा दंड ठोठावला होता. बँकेवर नियमांचे पालन न केल्यामुळे ही कारवाई करण्यात आली होती. यासोबतच सेंट्रल बँकेने कॅनरा बँक आणि सिटी युनियन बँकेलाही दंड ठोठावला होता.

कॅनरा बँकेला 32.30 लाख रुपयांचा दंड ठोठावण्यात आला होता. त्याचबरोबर सिटी युनियन बँकेला 66 लाखांचा दंड ठोठावण्यात आला होता.

ग्राहकांवर काय परिणाम होणार?

बँकांनी नियमांचे उल्लंघन केल्यावर रिझर्व्ह बँक ऑफ इंडियाकडून दंड आकारला जातो. तो दंड फक्त बँकांना भरावा लागतो. यामध्ये खातेदारांना कोणताही दंड भरावा लागत नाही. हा दंड फक्त बँकेलाच भरावा लागतो. त्यामुळे या बँकांवर आरबीआयने लादलेल्या आर्थिक दंडाचा बँक ग्राहकांवर कोणताही परिणाम होणार नाही.