Share Market Closing 24 July 2023: सोमवारी सलग दुसऱ्या दिवशी शेअर बाजारात घसरण झाली. BSE सेन्सेक्स 299 अंकांनी घसरून 66,384 वर बंद झाला. त्याचप्रमाणे NSE निफ्टी देखील 72 अंकांनी घसरून 19,672 वर आला. बाजारातील नरमाईमुळे ITC चा शेअर 4% पेक्षा जास्त घसरला.
ITC शेअर सुमारे 4% घसरला
NSE वर उपलब्ध आकडेवारीनुसार, FMCG क्षेत्रात सर्वाधिक विक्री झाली. मेटल आणि बँकिंग शेअर्सही घसरले. आयटीसीसह कोटक बँक, टेक महिंद्रा आणि आरआयएलचे शेअर्स घसरणीसह बंद झाले.
याआधी शुक्रवारी भारतीय बाजारात जोरदार प्रॉफिट-बुकिंग नोंदवण्यात आली. BSE सेन्सेक्स 887 अंकांनी घसरून 66,684 वर बंद झाला.
शेअर बाजाराची क्षेत्रीय स्थिती
आजच्या व्यवहारात बँकिंग, आयटी, एफएमसीजी, मेटल्स, एनर्जी, कंझ्युमर ड्युरेबल्स, ऑइल आणि गॅस क्षेत्रातील शेअर्स घसरले. सर्वात मोठा निफ्टी एफएमसीजीमध्ये दिसून आला. हा निर्देशांक 925 अंकांच्या किंवा 1.72 टक्क्यांच्या घसरणीसह बंद झाला आहे.
तर ऑटो, फार्मा, रिअल इस्टेट, इन्फ्रा आणि हेल्थकेअर क्षेत्रातील शेअर्स तेजीसह बंद झाले. स्मॉल कॅप शेअर्सही तेजीसह बंद झाले. सेन्सेक्समधील 30 शेअर्सपैकी 17 शेअर्स वाढीसह बंद झाले तर 13 शेअर्स घसरणीसह बंद झाले. तर निफ्टीच्या 50 शेअर्सपैकी 30 शेअर्स तेजीसह आणि 20 शेअर्स घसरणीसह बंद झाले.
सेन्सेक्सवर 'या' शेअर्समध्ये तेजी:
सेन्सेक्समधील 30 शेअर्सपैकी 18 शेअर्स आज वाढीला बंद झाले. त्यातही इंडसइंड बँकेच्या शेअर्सनी सर्वाधिक 1.94 टक्क्यांची वाढ नोंदवली. यानंतर महिंद्रा अँड महिंद्रा (M&M), पॉवर ग्रिड, बजाज फिनसर्व्ह आणि अल्ट्राटेक सिमेंट हे सर्वाधिक वाढले.
सेन्सेक्सवर 'या' शेअर्समध्ये घसरण:
दुसरीकडे, सेन्सेक्समधील उर्वरित 12 शेअर्स आज घसरणीसह बंद झाले. यामध्येही ITC (ITC) शेअर्स सर्वाधिक 4.15% घसरले. याशिवाय कोटक महिंद्रा बँक, टेक महिंद्रा, जेएसडब्ल्यू स्टील आणि टाटा स्टीलचे शेअर्स देखील आज घसरणीसह बंद झाले.
गुंतवणूकदारांचे 16 हजार कोटी रुपये बुडाले
BSE वर सूचीबद्ध केलेल्या कंपन्यांचे एकूण बाजार भांडवल आज, 24 जुलै रोजी 301.93 लाख कोटी रुपयांवर घसरले आहे, जे त्याच्या मागील ट्रेडिंग दिवशी म्हणजेच शुक्रवार, 21 जुलै रोजी 302.09 लाख कोटी रुपये होते.
अशाप्रकारे, बीएसईमध्ये सूचीबद्ध कंपन्यांचे मार्केट कॅप आज सुमारे 16 हजार कोटी रुपयांनी कमी झाले आहे. किंवा दुसऱ्या शब्दांत, गुंतवणूकदारांच्या संपत्तीत सुमारे 16,000 कोटी रुपयांची घट झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.