Share Market Opening Latest Updates Today 24 July 2023:
आज भारतीय शेअर बाजाराच्या सुरुवातीला सुस्त व्यवसाय पाहायला मिळत असून सेन्सेक्स-निफ्टीमध्ये कोणतीही तेजी नाही. सेन्सेक्स 55 अंकांनी घसरला आहे आणि निफ्टी जवळजवळ सपाट उघडला आहे. निफ्टीची सुरुवात तेजीसह झाली, पण बाजार उघडल्यानंतर काही वेळातच बाजारात घसरण झाली.
आजच्या व्यवहारात बीएसईचा 30 शेअर्सचा निर्देशांक सेन्सेक्स 55.12 अंकांच्या घसरणीसह 66,629.14 च्या पातळीवर उघडला. दुसरीकडे, NSE चा 50 शेअर्सचा निर्देशांक निफ्टी 19,700 वर उघडला.
सेन्सेक्स आणि निफ्टीच्या शेअर्सची स्थिती
सेन्सेक्समधील 30 शेअर्सपैकी 14 शेअर्स तेजीसह व्यवहार करत आहेत आणि 16 शेअर्स घसरत आहेत. दुसरीकडे, निफ्टीच्या 50 शेअर्सपैकी 26 शेअर्स वाढीसह व्यवहार करत आहेत आणि 24 शेअर्समध्ये घसरण होताना दिसत आहे.
सेन्सेक्सवर 'या' शेअर्समध्ये घसरण तेजी
आज लार्सन अँड टुब्रोचा शेअर सेन्सेक्समध्ये सर्वाधिक 1.33 टक्क्यांच्या वाढीसह व्यवहार करत होता. त्याचप्रमाणे इन्फोसिस, आयटीसी, एनटीपीसी, टाटा मोटर्स, इंडसइंड बँक, एसबीआय, अल्ट्राटेक सिमेंट, अॅक्सिस बँक, विप्रो, आयसीआयसीआय बँक आणि एचसीएल टेक तेजीसह व्यवहार करत होते.
सेन्सेक्सवर 'या' शेअर्समध्ये घसरण
बीएसई सेन्सेक्सवर आज कोटक महिंद्रा बँकेचे शेअर्स 2.56 टक्के, रिलायन्स इंडस्ट्रीज (RIL) 1.92 टक्के, टाटा स्टील 0.51 टक्के, एचयूएल 0.47 टक्के, भारती एअरटेल 0.42 टक्के, पॉवरग्रिड 0.36 टक्के आणि सन फार्मा 0.31 टक्क्यांनी घसरले.
NSE IX वर, GIFT निफ्टी 37.5 अंकांच्या म्हणजेच 0.19 टक्क्यांच्या घसरणीसह 19,729 अंकांच्या पातळीवर व्यवहार करत होता.
यामुळे सोमवारी दलाल स्ट्रीटची सुरुवात नकारात्मक होऊ शकते असे संकेत मिळाले. आज, प्री-ओपनिंग सत्रात, सेन्सेक्समध्ये 50 अंकांपेक्षा जास्त घसरण झाली. त्याच वेळी निफ्टी 19,750 अंकांच्या खाली घसरला.
या कंपन्यांचे तिमाही निकाल आज येणार
टाटा स्टील, टीव्हीएस मोटर, आयडीबीआय बँक, कॅनरा बँकेचे तिमाही निकाल आज येतील. अशा स्थितीत गुंतवणूकदारांच्या नजरा या कंपन्यांच्या शेअर्सवर असतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
