Share Market Opening: जागतिक संकेतांमुळे बाजारात तेजी; सेन्सेक्स 63,100 वर, मेटल-फार्मा शेअर्सची काय आहे स्थिती?

Share Market Opening 16 June 2023: जागतिक संकेतांमुळे शेअर बाजार शुक्रवारी तेजीसह उघडला. BSE सेन्सेक्स सुमारे 200 अंकांच्या तेजीसह 63,100 च्या पातळीवर व्यवहार करत आहे. निफ्टीही 50 अंकांनी वाढून 18,750 च्या जवळ पोहोचला आहे.

मेटल, फार्मा, रियल्टी हे शेअर्स बाजारात खरेदीत आघाडीवर आहेत. डॉ. रेड्डीज, हिंदाल्को आणि डिवीज लॅबचे शेअर्स निफ्टीमध्ये सर्वाधिक वाढले आहेत. गुरुवारी बीएसई सेन्सेक्स 310 अंकांनी घसरून 62,917 वर बंद झाला.

सेन्सेक्सवर 'या' शेअर्समध्ये तेजी:

आज BSE सेन्सेक्सवर टाटा स्टील 0.97 टक्क्यांनी वाढले, महिंद्रा अँड महिंद्रा, एचसीएल टेक, टायटन, आयसीआयसीआय बँक, रिलायन्स इंडस्ट्रीज, एसबीआय, अल्ट्राटेक सिमेंट, एशियन पेंट्स, अॅक्सिस बँक, टाटा मोटर्स, एचडीएफसी बँक, नेस्ले इंडिया, एचडीएफसी, इंडसइंड बँक, कोटक महिंद्रा बँक, बजाज फायनान्स, आयटीसी, इन्फोसिस, टेक महिंद्रा आणि मारुतीचे शेअर्स तेजीसह व्यवहार करत आहेत.

सेन्सेक्सवर 'या' शेअर्समध्ये घसरण:

आज सेन्सेक्सवर भारती एअरटेल, टीसीएस, विप्रो, पॉवरग्रिड आणि एनटीपीसीचे शेअर्स तेजी घसरणीसह व्यवहार करत आहेत.

सिंगापूर एक्सचेंजवर निफ्टी फ्युचर्स 50 अंकांच्या किंवा 0.27 टक्क्यांच्या वाढीसह 18,810.50 अंकांच्या पातळीवर व्यवहार करत होता. यावरून दलाल स्ट्रीटची सुरुवात सकारात्मक होऊ शकते, असे संकेत मिळाले.

काय सांगतात तज्ज्ञ? 

जिओजित फायनान्शिअल सर्व्हिसेसचे मुख्य गुंतवणूक सल्लागार व्ही.के.विजयकुमार म्हणाले की, यावेळी बाजारावर परिणाम करणारे दोन पैलू आहेत. यातील एक पैलू सकारात्मक आहे तर दुसरा नकारात्मक आहे. अनुकूल जागतिक संकेत ही एक सकारात्मक बाजू आहे. त्याच वेळी, बँक निफ्टीमध्ये घसरण होत आहे ही नकारात्मक बाजू आहे.

सेन्सेक्समधील बहुतांश कंपन्यांचे शेअर्स नफ्यात आहेत. सेन्सेक्समधील 30 पैकी फक्त 6 कंपन्याचे शेअर्स घसरणीसह व्यवहार करत आहेत, तर 22 कंपन्यांचे शेअर्स तेजीसह व्यवहार करत आहेत.