सबस्क्राईब करा
Tata Motors: टाटा ग्रुपची कंपनी टाटा मोटर्सच्या (Tata Motors) शेअर्समध्ये सध्या चांगली वाढ दिसत आहे. गेल्या 6 महिन्यांत या स्टॉकमध्ये 43 टक्क्यांहून अधिक वाढ झाली आहे. कंपनीने नुकतेच आर्थिक वर्ष 2024 च्या पहिल्या तिमाहीचे निकाल जाहीर केले.
एप्रिल ते जून या तिमाहीत कंपनीने 3203 कोटी रुपयांचा निव्वळ नफा कमावला आहे. त्यामुळेच ब्रोकरेज कंपन्या या शेअरबाबत पॉझिटीव्ह आहेत. टाटा मोटर्सचे शेअर्स सध्या 413.45 रुपयांवर ट्रेड करत आहेत. कंपनीचे मार्केट कॅप 21,024.05 कोटी झाले आहे.
उत्कृष्ट तिमाही निकालांमध्‍ये, ब्रोकरेज फर्म प्रभुदास लिलाधर या शेअर्सबाबत अतिशय पॉझिटीव्ह दिसत आहेत. ब्रोकरेजने 26 जुलै 2023 रोजीच्या रिसर्च रिपोर्टमध्ये या शेअरला 760 रुपयांच्या टारगेटसह बाय रेटिंग दिले आहे.
याचा अर्थ ब्रोकरेजला सध्या स्टॉकमध्ये तब्बल 84 टक्क्यांची वाढ अपेक्षित आहे. ब्रोकरेजने यापूर्वी 675 रुपयांचे टारगेट निश्चित केले होते.
जून तिमाहीत टाटा मोटर्सचा निव्वळ नफा 3203 कोटी होता. गेल्या वर्षी याच तिमाहीत कंपनीला 5006 कोटी रुपयांचा तोटा झाला होता.
कंपनीच्या नफ्याचे मुख्य कारण म्हणजे पॅसेंजर वाहन व्यवसायाच्या मार्जिनमध्ये झालेली वाढ आणि त्याच्या लक्झरी कार युनिट जग्वार लँड रोव्हर म्हणजेच जेएलआरची जोरदार विक्री. या कालावधीत त्यांचा महसूल वार्षिक 42 टक्क्यांनी वाढून 1.02 लाख कोटी रुपयांवर पोहोचला आहे.
नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.