Khambatki Ghat : 'या' कारणामुळे खंबाटकी घाटात मोठी वाहतूक कोंडी; पुण्याकडे जाणाऱ्या मार्गाची काय स्थिती?

Khambatki Ghat News : सातारा बाजूकडं जाणाऱ्या खंबाटकी घाटातील (Khambatki Ghat) पायथ्याला ट्रक-कंटेनर बंद पडल्यामुळं मोठी वाहतूक कोंडी निर्माण झाली आहे. दरम्यान, यावेळी महामार्ग पोलिसांनी (Highway Police) कंटेनर बाजूला करताना थोडावेळ वाहतूक बोगदामार्गे वळवली.

दरम्यान, ही वाहतूक १५ मिनिटांनंतर पुन्हा जैसे थे करण्यात आली. मात्र, अद्यापही ट्रक बाजूला करायचे काम सुरु आहे. सध्या घाटात वाहतूक धिम्या गतीनं सुरु आहे.

तर, पुण्याकडं जाणारी वाहतूक सुरळीत आहे. शनिवार-रविवार व मंगळवारी दसरा असल्यामुळं सोमवारीची सुट्टी घेऊन अनेकजण गावी ये-जा करत असल्यामुळं इथं मोठी वाहतूक कोंडी निर्माण झाली आहे.