iphone 5G Network: अखेर मुहूर्त निघाला! भारतात पुढील आठवड्यापासून iphone यूजर्ससाठी 5G सेवा सुरू

Apple कंपनी भारतातील 5G यूजर्ससाठी पुढील आठवड्यापासून बहुप्रतिक्षित सॉफ्टवेअर अपग्रेड करणार आहे. Appleने iOS 16 बीटा सॉफ्टवेअर अपडेट पुश केल्यामुळे ही सेवा आता भारतीय यूजर्ससाठी उपलब्ध केली जाईल. त्यामुळे आता एअरटेल आणि रिलायंस जिओचे ग्राहक iPhone 14, iPhone 13, iPhone 12 आणि iPhone SE मॉडेलपैकी कोणत्याही 5G सेवेचा अनुभव घेण्यासाठी Apple च्या बीटा सॉफ्टवेअर प्रोग्रामचा वापर करू शकतात.

Apple बीटा सॉफ्टवेअर प्रोग्राम हा Apple ID असणाऱ्या प्रत्येकासाठी ओपन असणार आहे. साइन अप करताना बीटा सॉफ्टवेअर अॅग्रीमेंट स्वीकारणाऱ्या यूजर्सला या सॉफ्टवेअरचा लाभ घेता येणार आहे. Apple बीटा सॉफ्टवेअर प्रोग्राम वापरकर्त्यांना प्री-रिलीझ सॉफ्टवेअर वापरण्याची संधी देतोय ज्यामुळे सॉफ्टवेअर अधिक व्यापकपणे उपलब्ध होण्यापूर्वी तुम्ही या सॉफ्टवेअरच्या फिचर्सचा अनुभव घेऊ शकता.

Apple कंपनीने यूजर्सना फिडबॅक देण्याचेही आवाहन केले आहे. जेणेकरून यूजर्सना येणाऱ्या समस्या ओळखत कंपनी त्यावर सोल्यूशन काढत हे सॉफ्टवेअर आणखी उत्तम करू शकेल. Apple बीटा सॉफ्टवेअरमध्ये प्रवेश करण्यासाठी Apple यूजर्सना सिंप्ली त्यांच्या डिवाईसमध्ये एनरॉल करायचं आहे. तर एअरटेल आणि जिओ कस्टमरसाठी ही सेवा पुढल्या आठवड्यापासून सुरू होणार आहे.

Apple बीटा सॉफ्टवेअरचे सदस्य म्हणून, वापरकर्ते त्यांचा iPhone, iPad, Mac, Apple TV, HomePod mini किंवा Apple Watch सारख्या डिवाइसलाही एनरॉल करू शकतील. तसेच Appleने सांगितले की आयफोन वापरकर्त्यांसाठी प्रोग्राम आणि सॉफ्टवेअर दोन्ही विनामूल्य आहेत.