Mobile Charger Buying Tips : आजकाल स्मार्टफोन हे आपल्या दैनंदिन जीवनातील महत्वाचा भाग बनले आहेत. ऑनलाइन पेमेंट, खरेदी, तिकीट बुकिंग्स, मनोरंजन यांसाठी आपण स्मार्टफोनवर अवलंबून असतो. अशा वेळी मोबाईल चार्जरची योग्य निवड करणे अत्यंत महत्त्वाचे ठरते. परंतु, बाजारात उपलब्ध असलेल्या नकली (Fake) चार्जर्समुळे अनेक वापरकर्त्यांना आर्थिक आणि सुरक्षेचा धोका निर्माण होतो. या समस्येवर उपाय शोधण्यासाठी बनावट आणि ओरिजिनल चार्जर कसे ओळखावे याची सविस्तर माहिती जाणून घ्या.
बनावट किंवा दर्जाहीन चार्जर वापरल्याने खालील समस्या उद्भवू शकतात.
स्मार्टफोन गरम होण्याचा धोका: बनावट चार्जरमुळे फोन गरम होऊ शकतो आणि त्याचा प्रभाव बॅटरीच्या आयुष्यावर होतो.
बॅटरीची गुणवत्ता खराब होणे: सतत अशा चार्जरचा वापर केल्याने बॅटरीची क्षमता लवकर कमी होते.
फोनच्या स्फोटाचा धोका: नकली चार्जरमुळे शॉर्ट सर्किट होऊन अपघात होण्याची शक्यता असते.
आजकाल अनेक कंपन्या त्यांच्या फ्लॅगशिप स्मार्टफोनसोबत चार्जर देत नाहीत, त्यामुळे वापरकर्त्यांना चार्जर स्वतंत्रपणे खरेदी करावा लागतो. अशा वेळी नकली चार्जर खरेदी होण्याचा धोका वाढतो. म्हणूनच, बीआयएस (BIS - Bureau of Indian Standards) प्रमाणित चार्जर खरेदी करणे अत्यंत महत्त्वाचे आहे.
बीआयएस केअर (BIS Care) अॅपच्या मदतीने तुम्ही तुमच्या चार्जरची सत्यता तपासू शकता. हे अॅप अँड्रॉइड आणि आयओएस दोन्ही प्रकारांसाठी उपलब्ध आहे. खाली दिलेल्या पद्धतीने तुम्ही तुमचा चार्जर सत्यापित करू शकता.
1. बीआयएस केअर अॅप डाऊनलोड करा: प्ले स्टोअर किंवा अॅप स्टोअरवरून हे अॅप डाऊनलोड करा.
2. अॅप उघडा आणि मुख्य पृष्ठावर जा: येथे तुम्हाला अनेक पर्याय दिसतील.
3. “Verify R No. under CRS” पर्याय निवडा.
चार्जरवरील रजिस्ट्रेशन क्रमांक टाका.
किंवा QR कोड स्कॅन करा.
4. माहिती पडताळा करा: या प्रक्रियेत तुम्हाला चार्जरचा कालबद्ध तपशील (Expiry Date) मिळेल.
चार्जर खरेदी करताना नेहमी ओरिजिनल ब्रँडच्या अधिकृत विक्रेत्याकडून खरेदी करा.
चार्जरवर BIS चिन्ह आहे की नाही, याची खात्री करा.
अती स्वस्त दरात चार्जर खरेदी करणे टाळा, कारण ते बनावट असण्याची शक्यता अधिक असते.
योग्य आणि प्रमाणित चार्जर वापरल्याने तुमच्या फोनचे दीर्घायुष्य आणि सुरक्षितता सुनिश्चित होईल. त्यामुळे नुसतेच किफायतशीर दर पाहू नका, तर चार्जरचा दर्जाही तपासा.
आपल्या स्मार्टफोनची काळजी घेण्यासाठी योग्य चार्जर निवडणे हे तुमच्या सुरक्षिततेसाठी आणि स्मार्टफोनच्या कामगिरीसाठी अनिवार्य आहे. म्हणूनच, आता बनावट चार्जर वापरणे थांबवा आणि आपल्या चार्जरची सत्यता आजच तपासा!
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
