Shubhanshu Shukla space mission : महत्वाकांक्षी आंतरराष्ट्रीय अंतराळ मोहिम Ax-4 ची तारीख सध्या पुढे ढकलण्यात आली असली, तरी या मोहिमेतील भारतीय अंतराळवीर ग्रुप कॅप्टन शुभांशु शुक्ला हे अजूनही फ्लोरिडा (अमेरिका) मध्येच थांबले असून, मिशनसाठी पूर्णतः सज्ज असल्याची माहिती ISRO (भारतीय अंतराळ संशोधन संस्था) ने दिली आहे. सोशल मीडियावर फिरणाऱ्या "भारतीय अंतराळवीरांना परत बोलावण्यात आले आहे" या अफवांना पूर्णविराम देत ISRO ने स्पष्ट केलं आहे की, परत येणाऱ्यांमध्ये फक्त ISRO चे अध्यक्ष आणि भारतीय सहाय्यक टीमचा समावेश आहे, अंतराळवीर नाही.
Ax-4 ही आंतरराष्ट्रीय मोहिम NASA, Axiom Space आणि SpaceX यांच्या संयुक्त प्रयत्नातून होत आहे. या मोहिमेद्वारे भारत तब्बल ४० वर्षांनंतर मानव अंतराळविहार क्षेत्रात परतण्याच्या मार्गावर आहे. ग्रुप कॅप्टन शुभांशु शुक्ला यांच्यासह पोलंड आणि हंगेरीचे अंतराळवीर या मोहिमेत सहभागी आहेत.
मूळतः ही मोहिम २२ जून २०२५ रोजी प्रक्षेपित होणार होती. मात्र आंतरराष्ट्रीय अंतराळ स्थानकावर (ISS) झालेल्या दुरुस्ती कामांमुळे, विशेषतः रशियन Zvezda सेवा मॉड्यूलमधील तांत्रिक अडचणींमुळे ही मोहिम अनिश्चित काळासाठी पुढे ढकलण्यात आली आहे.
Axiom Space च्या ताज्या निवेदनानुसार, सर्व अंतराळवीर फ्लोरिडामध्ये क्वारंटाईनमध्ये असून, वैद्यकीय व सुरक्षेच्या सर्व नियमांचे पालन करत आहेत. "संपूर्ण क्रू निरोगी आहे, सकारात्मक वृत्तीने पुढील उड्डाणाची वाट पाहत आहे," असे Axiom ने स्पष्ट केले आहे.
ISRO च्या वरिष्ठ अधिकाऱ्यांनी सांगितले की, ही मोहिम रद्द झालेली नसून केवळ सुरक्षिततेच्या दृष्टिकोनातून स्थगित करण्यात आलेली आहे. मिशनसाठी भारतीय सहभाग कायम आहे आणि शुभांशु शुक्ला हे पुढील प्रक्षेपणाच्या तारखेची वाट पाहत आहेत.
Ax-4 ही भारतासाठी ऐतिहासिक संधी आहे आणि या मोहिमेचा भाग असणं ही भारताच्या अंतराळ संशोधन क्षमतेची मोठी पावती आहे. सोशल मीडियावर पसरवण्यात येणाऱ्या अफवांवर विश्वास ठेवण्याऐवजी अधिकृत स्रोतांवर विश्वास ठेवणं गरजेचं आहे. मिशन उशिरा का होईना, पण भारतीय अंतराळवीरांचे स्वप्न लवकरच पूर्ण होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
