Mahindra Thar: महिंद्राने लाँच केले Thar चे सर्वात स्वस्त व्हेरिएंट, फीचर्स एकापेक्षा एक जबरदस्त

Mahindra Thar 2 RWD Launched: Mahindra ने आपली ऑफ रोड एसयूव्ही महिंद्रा थारचे (Mahindra Thar SUV) स्वस्त व्हेरिएंट लाँच केले आहे. कंपनीने अनेक बदल करत Mahindra Thar 2 RWD ला सादर केले आहे. नवीन एसयूव्हीच्या कलर, पॉवरट्रेन आणि फीचर्समध्ये बदल पाहायला मिळेल.

कंपनीने या मॉडेलला MT AX(O)(Diesel), MT LX (Diesel) आणि AT LX (Petrol) या तीन व्हेरिएंटमध्ये सादर केले आहे. Mahindra Thar 2 RWD च्या किंमत आणि फीचर्सविषयी सविस्तर जाणून घेऊया.

Mahindra Thar 2WD चे फीचर्स

महिंद्रा थार २ व्हील ड्राइव्हची सुरुवाती किंमत ९.९९ लाख रुपये आहे. तर टॉप व्हेरिएंटची किंमत १३,४९ लाख रुपये आहे. ग्राहक या एसूव्हीला कंपनीची अधिकृत वेबसाइट आणि जवळील डीलरशिपच्या माध्यमातून बूक करू शकता. ही एसयूव्ही Blazing Bronze आणि Everest White रंगात येते.

Mahindra Thar 2WD चे इंजिन आणि फीचर्स

Mahindra Thar 2WD मध्ये पेट्रोल आणि डिझेल इंजिनचा पर्याय मिळतो. यात २.० लीटर टर्बो पेट्रोल इंजिन देण्यात आले असून, हे १५२ एचपी पॉवर आणि ३२० एनएम टॉर्क जनरेट करते. तर दुसरे १.५ लीटर डिझेल इंजिन आहे, जे ११७ एचपी पॉवर आणि ३०० एनएम पीक टॉर्क जनरेट करते. दोन्ही इंजिन ६ स्पीड मॅन्यूअल आणि ६ स्पीड टॉर्क कनव्हर्ट ट्रान्समिशनसह येतात.

हेही वाचा: ChatGPT: Google चे धाबे दणाणार, टक्कर देण्यासाठी Microsoft-ChatGPT ने तयार केला खास प्लॅन

फीचर्सबद्दल सांगायचे तर यामध्ये अँड्राइड ऑटो आणि अ‍ॅपल कारप्ले कनेक्टिव्हिटीसह येणारा ७ इंच टचस्क्रीन इंफोटेनमेंट सिस्टम, क्रूजर कंट्रोल, हॅलोजन लाइट्स, इलेक्ट्रिक कंट्रोल्ड एसी, स्टेअरिंग माउंटेड कंट्रोल्स आणि रिमूव्हेबल रूफ पॅनेलऐवजी हार्ड टॉप रुफ पॅनेल देण्यात आला आहे.

एसयूव्हीच्या फ्रंटला ड्यूल एअरबॅग्स, ईबीडीह अँटी लॉक ब्रेकिंग सिस्टम, हिल डिसेंट कंट्रोल, रियर पार्किंग सेंसर आणि फ्रंट सीट बेल्ट रिमाइंडर सारखे फीचर्स मिळतील. महिंद्रा थारचे हे स्वस्त व्हेरिएंट मारुती जिम्नी ५ डोर आणि फोर्स गुरखाला टक्कर देईल.

हेही वाचा: द मिसिंग टाइल सिंड्रोम ठेवा आपल्यापासून दूर