पुढील महिन्यात येतायत 'या' दमदार कार, काय असतील खास फीचर्स? वाचा

Upcoming Cars launch in February 2022 : नवीन वर्षात अनेक नवीन वाहने बाजारात दाखल होत आहेत. टाटा मोटर्सने जानेवारीमध्ये त्यांची CNG वाहने Tiago आणि Tigor लाँच करून सुरुवात केली आहे. त्याच वेळी, फेब्रुवारी महिना वाहन क्षेत्रासाठी खूप धमाकेदार असणार आहे. फेब्रुवारी मध्ये अनेक नवीन गाड्या लाँच होत आहेत, ज्यापैकी सर्वाधिक kia Carens च्या किंमतीची वाट पाहिली जात आहे. त्याचबरोबर काही वाहनांचे फेसलिफ्ट्सही फेब्रुवारीमध्ये सुरू होणार आहेत. आज आपण फेब्रुवारी 2022 मध्ये लॉन्च होणार्‍या वाहनांबद्दल जाणून घेऊया...

Audi Q7

फेब्रुवारीमध्ये लॉन्चिंग ऑडी Q7 च्या फेसलिफ्टने सुरू होईल, जे 03 फेब्रुवारी रोजी लॉन्च होईल. कंपनीने आधीच त्याचे ऑनलाइन बुकिंग सुरू केले आहे. जुनी Audi Q7 कंपनीने एप्रिल 2020 रोजी BS6 स्टँडर्समुळे बंद केली होती. नवीन Q7 ला अपडेटेड एक्सटिरिएर मिळेल आणि पूर्वीपेक्षा अधिक आधुनिक लुक मिळेल. कंपनी नवीन Q7 फक्त 3.0 V6 टर्बो पेट्रोल इंजिनसह 340 bhp उत्पादन विक्रिसाठी उपलब्ध असेल. तसेच, नवीन Q7 मध्ये ऑल व्हील ड्राइव्ह सिस्टीम, अ‍ॅडॉप्टिव्ह एअर सस्पेन्शनची सुविधा मिळेल.

2022 मारुती सुझुकी बलेनो (2022 Maruti Suzuki Baleno)

लोक नवीन बलेनोची आतुरतेने वाट पाहत आहेत. नवीन बलेनोचे उत्पादन सुरू झाले असून 24 जानेवारी रोजी त्याचे पहिले प्रो़क्शन मॉडेल समोर आले आहे. 2015 मध्ये लाँच झाल्यापासून बलेनोमधील हा सर्वात मोठा बदल असेल. केवळ बाह्यच नव्हे तर आतील भागही पूर्णपणे बदलण्यात आला आहे. यात कोणतेही यांत्रिक बदल होणार नसले तरी डिझाइन पॅटर्न तोच राहील. बलेनोला नवीन डॅशबोर्ड, फ्री स्टँडिंग टचस्क्रीन, एम्बेडेड सिमसह वायरलेस Apple CarPlay / Android Auto कार तंत्रज्ञान मिळेल. बलेनोला 83 एचपी पॉवरसह 1.2 लिटर पेट्रोल इंजिन आणि 1.2 लीटर सौम्य हायब्रिड पेट्रोल इंजिन मिळेल.

MG ZS EV

2020 मध्ये, MG मोटर या इलेक्ट्रिक क्रॉसओवर SUV चे फेसलिफ्ट लॉन्च करेल. 2022 MG ZS EV अनेक प्रमुख अपडेट्स मिळणार आहेत. यात मोठी बॅटरी मिळेल, जी अधिक रेंज देईल. सध्या यामध्ये 44kWh ची बॅटरी येत आहे, आता यामध्ये 51kWh चे युनिट दिले जाऊ शकते. नवीन बॅटरी आल्यानंतर EV चे फेसलिफ्ट 419 किमी ऐवजी 480 किमीची रेंज देईल असा विश्वास व्यक्त होत आहे. याशिवाय, फेसलिफ्टेड ZS EV मध्ये नवीन LED युनिट्स, अपडेटेड फ्रंट आणि रियर बंपर, नवीन अलॉय व्हील आणि नवीन ग्रिल मिळतील. याशिवाय वायरलेस चार्जर, डिजिटल इन्स्ट्रुमेंट क्लस्टर, 10.1-इंचाचा टचस्क्रीन देखील यामध्ये दिसू शकतो.

Kia Carens

किआने गेल्या वर्षी डिसेंबरमध्ये हे वाहन शोकेस केले होते. Kia ची ही चौथी कार असेल, जी भारतातच विकसित करण्यात आली आहे. सेल्टोसच्याच प्लॅटफॉर्मवर Carens ची बांधणी करण्यात आली आहे. यामध्ये स्मार्टलूक एलईडी हेडलॅम्प आणि टेल लॅम्प मिळतील. हे 6 आणि 7-सीटर पर्यायांसह लॉन्च केले जाईल. यात अपर कॅटेगरीमध्ये सर्वात लांब व्हीलबेस असेल, ज्यामुळे त्याला अधिक लेग स्पेस मिळेल. कारमध्ये पूर्णपणे डिजिटल इन्स्ट्रुमेंट क्लस्टर, 8-स्पीकर बोस सिस्टम, कलर अॅम्बियंट लाइटिंग, व्हेंटिलेटेड फ्रंट सीट्स, स्टँडर्ड 6-एअरबॅग्ज मिळतील. कारमध्ये 115 hp 1.5 लिटर पेट्रोल इंजिन, 114 hp 1.5 लिटर डिझेल इंजिन, 140 hp 1.4 लिटर टर्बो पेट्रोल इंजिन मिळेल. त्याच वेळी, ही कार Ertiga, Marazzo, Alcazar, Hector Plus आणि Innova Crysta यांच्याशी स्पर्धा करेल.

Jeep Compass Trailhawk

जीप कंपास फेसलिफ्ट लाँच केल्यानंतर, कंपनी त्याचे हार्ड-कोर ट्रेलहॉक व्हेरिएंट सादर करेल. कंपनी ते विशेषतः ऑफ-रोडिंगसाठी लॉन्च करणार आहे, त्यामुळे त्यात ऑफरोड हार्डवेअर घेणे अत्यावश्यक आहे. यात 4-व्हील ड्राइव्ह सिस्टीम मिळेल, जी कंपासपेक्षा वेगळी असेल. मागील बंपरमध्ये बदल केले जातील, तसेच नवीन अलॉय व्हील्सही दिले जाऊ शकतात. Trailhawk ला 10.1-इंच टचस्क्रीन, 10.25-इंच डिजिटल इन्स्ट्रुमेंट क्लस्टर मिळेल. असे मानले जाते की हे 173 एचपी पॉवरसह 2.0-लिटर डिझेल इंजिनसह लॉन्च केले जाऊ शकते, ज्याला 9-स्पीड ऑटोमॅटिक गिअरबॉक्स मिळेल. त्याची स्पर्धा Hyundai Tusson आणि Volkswagen Tiguan शी होईल.