Shubhanshu Shukla Return Video : हॅलो वर्ल्ड! अंतराळवीर शुभांशु शुक्ला पृथ्वीवर परतल्यानंतरचा पहिला व्हिडिओ व्हायरल..

Shubhanshu Shukla Return Video : भारताचे अंतराळवीर ग्रुप कॅप्टन शुभांशु शुक्ला हे अ‍ॅक्सिओम‑4 मिशन पूर्ण करून आंतरराष्ट्रीय अंतराळ स्थानकातून पृथ्वीवर परत आले आहेत. त्यांच्या ड्रॅगन अंतराळयानाने 15 जुलैला 3 वाजता कॅलिफोर्नियाच्या समुद्रात यशस्वीरित्या लँडिंग (स्प्लॅशडाउन) केले. इतके महत्वाचे मिशन पूर्ण करून सुखरूप पृथ्वीवर येणे ही संपूर्ण भारतीयांसाठी कौतुकाची बाब आहे

ते काल (14 जुलै) दुपारी 4 वाजता अंतराळस्थानकातून निघाले होते. हा प्रवास सुमारे 23 तासांचा होता, ज्यात 263 किलोहून अधिक वैज्ञानिक साधने आणि डेटा सोबत आणला आहे.त्यांच्या या यशवस्वी आणि प्रेरणादायी लँडिंगचे ऐतिहासिक व्हिडिओ व्हायरल होत आहेत

ग्रुप कॅप्टन शुभांशु शुक्ला यांनी भारतीय वायुसेनेच्या टेस्ट पायलट स्कूलमधून प्रशिक्षण घेतले असून त्यांनी रशियामधील आणि अमेरिकेमधील प्रतिष्ठित संस्थांमध्येही प्रशिक्षण पूर्ण केले. त्यांची गगनयान मिशनसाठीही निवड करण्यात आली आहे. हे एक दीर्घकालीन भारतीय मानव अंतराळ मिशन असणार आहे