Mother's Day 2023 : GF, BF सोबत जाताच हो;पण आईसोबतही कधीतरी जा की फिरायला!

कुठे जायचं हा प्रश्न तुम्हाला पडला असेलच, उत्तर तयार आहे. ही घ्या मुंबईच्या आसपासची स्वस्तात मस्त ठिकाणं...
Mother's Day
Mother's DaySakal

लाडक्या आईसाठी प्रत्येक दिवस खास असला तरी 'मदर्स डे' हा असा दिवस असतो जेव्हा मुलं आपल्या आईसाठी काहीतरी चांगलं नियोजन करतात. या खास प्रसंगी अनेक मुलं आपल्या आईसोबत सुंदर ठिकाणी फिरायला जातात. जर तुम्हालाही मदर्स डेच्या दिवशी म्हणजे रविवारी १४ जूनला तुमच्या आईसोबत काही निवांत क्षण घालवायचे असतील तर तुम्ही मुंबईतील या सर्वोत्तम ठिकाणांना भेट देऊ शकता.

पवई तलाव

हजारो लोक कुटुंबासोबत फिरण्यासाठी मुंबईच्या मरीन ड्राईव्हला पोहोचतात, पण जर तुम्हाला तुमच्या आईसोबत निवांत क्षण घालवायचा असेल तर तुम्ही पवई तलावाला जाऊ शकता. गर्दीपासून दूर असलेला हा तलाव मुंबईतील एक सुंदर ठिकाण आहे. या कृत्रिम तलावात तुम्ही आईसोबत बोटिंगचा आनंदही घेऊ शकता. तलावाच्या काठावर बसून सहलीची मजा लुटता येते. तलावापासून हाकेच्या अंतरावर असलेल्या संजय गांधी राष्ट्रीय उद्यानातही प्रेक्षणीय स्थळं पाहण्यासाठी जाता येतं.

Mother's Day
Mother's Day 2023: 'वजन वाढलं असलं तरी..', आईपण मिरवत समीरा रेड्डीनं केलं हटके फोटोशूट

कर्जत

मुंबई शहरापासून सुमारे ६४ किलोमीटर अंतरावर असलेलं कर्जत हे एक छोटेसं हिल स्टेशन आहे पण सौंदर्याच्या बाबतीत ते हिमाचल किंवा उत्तराखंडपेक्षा कमी नाही. हे हिल स्टेशन इतके सुंदर आहे की ते महाराष्ट्राचा खजिना मानले जाते.

मुंबईच्या गजबजाटापासून दूर शांततेत क्षण घालवण्यासाठी कर्जत हे सर्वोत्तम ठिकाण मानले जाते. म्हणूनच अनेक लोक खास प्रसंगी कुटुंबासह हँग आउट करण्यासाठी येथे पोहोचतात. कर्जतमध्ये तुम्ही तुमच्या आईसोबत सोंडाई किल्ला, धोप्या मंदिर आणि मोरबे धरण या ठिकाणांना भेट देऊ शकता.

Mother's Day
Mother's Day : आई-वडील वेगळे झाल्यानंतर 'या' खास व्यक्तीने दिले रतन टाटांना संस्काराचे धडे

मुंबई चौपाटी

जुहू बीचवर तुम्हाला हजारो देशी-विदेशी पर्यटक नेहमीच फिरताना दिसतील, पण जुहू बीचच्या गर्दीपासून दूर इतर कोणत्याही समुद्रकिनाऱ्यावर तुम्हाला तुमच्या आईसोबत विश्रांतीचा क्षण घालवायचा असेल, तर तुम्ही मुंबई चौपाटीवर पोहोचले पाहिजे.

मुंबई चौपाटी हा छोटासा बीच आहे पण सौंदर्याच्या बाबतीत जुहूपेक्षा कमी नाही. येथे फिरण्यासोबतच रस्त्यावरील एकाहून एक स्वादिष्ट खाद्यपदार्थांचाही आस्वाद घेता येईल. मुंबई चौपाटीवर आईसोबत सूर्योदय आणि सूर्यास्त पाहायला विसरू नका.

Mother's Day
Mother's Day : आई-वडील वेगळे झाल्यानंतर 'या' खास व्यक्तीने दिले रतन टाटांना संस्काराचे धडे

माळशेज घाट

माळशेज घाट हे महाराष्ट्राच्या पश्चिम घाटाच्या कुशीत वसलेले एक सुंदर ठिकाण आहे. जर तुम्ही तुमच्या आईसोबत कुठे फिरायला जायचा विचार करत असाल, तर मुंबईच्या आसपास तुम्हाला यापेक्षा चांगली जागा मिळणार नाही. महाराष्ट्रातील अनेक प्राचीन मंदिरेही या घाटात आहेत. माळशेज घाटातील माळशेज धबधबा, पिंपळगाव जोगा धरण, हरीश चंद्र घाट आणि आजोबा टेकडी किल्ला यासारखी उत्तम ठिकाणे तुम्ही शोधू शकता.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com