Viral Video : धोधो पावसात आई बाळाला घेऊन जात होती; रस्त्याने जाणाऱ्या व्यक्तीने...

सोशल मीडियावर अनेक व्हिडिओ आपल्या हृदयात हात घालत असतात. सध्या असाच एक व्हिडिओ सोशल मीडियावर व्हायरल झाला असून एक महिला आपल्या बाळाला भर पावसात घेऊन जात असताना तिला एका व्यक्तीने मदत केली आहे. या व्यक्तीने केलेली मदत पाहून तुम्हीही भावूक व्हाल.

व्हायरल होत असलेला व्हिडिओ एका रस्त्यावरील असून मोठा पाऊस सुरू असल्याचं व्हिडिओमध्ये दिसत आहे. त्याचबरोबर काही लोकं छत्री घेऊन रस्ताने जात आहेत. एक महिला आपल्या बाळाला कडेवर घेऊन जाताना दिसत आहे.

तेवढ्यात समोरून येणारा एक व्यक्ती तिला आपली छत्री देऊन मदत करतो. तिच्याकडे बाळ असल्यामुळे व्यक्तीने आपली छत्री महिलेला दिली असून त्याने केलेली मदत पाहून अनेकांनी या व्हिडिओर आपल्या प्रतिक्रिया व्यक्त केल्या आहेत.

दरम्यान, इंस्टाग्रामवर शेअर करण्यात आलेल्या या व्हिडिओला नेटकऱ्यांनी चांगलीच पसंती दिली असून अनेकांनी हा व्हिडिओ सोशल मीडियावर शेअर केला आहे. एक लाख दहा हजार लोकांनी या व्हिडिओला लाईक केलं आहे. तर मदत करणाऱ्या व्यक्तीचे नेटकऱ्यांनी कौतुक केलंय.