मुंबई : सत्तास्थापनेची सूत्रे सगळ्याच बाजूने हाललेली असतानाच आता शिवसेनेचे खासदार संजय राऊत मातोश्रीवर जाऊन शिवसेनाप्रमुख उद्धाव ठाकरे यांची भेट घेतील. उद्धव ठाकरेंच्या भेटीनंतर संजय राऊत दिल्लीला सोनिया गांधींची भेट घेतील अशी शक्यता आहे. त्याचप्रमाणे मुबंईत शरद पवार व राष्ट्रवादीच्या नेत्यांमध्ये चर्चा सुरू आहे, तर दिल्लीत सोनिया गांधींची काँग्रेसच्या नेत्यांसह चर्चा सुरू आहे.
संजय राऊत व उद्धव ठाकरे भेटीत शिवसेना सत्तास्थापनेसाठी आज राज्यपालांकडून अधिक वेळ मागून घेतील अशी शक्यता वर्तवली जात आहे. तसेच एनडीएमधून बाहेर पडण्यासाठीही शिवसेनेच्या हालचाली सुरू आहेत. याच पार्श्वभूमीवर संजय राऊत आज सोनिया गांधींची भेट घेतील.
आज आपण केंद्रीय मंत्रीपदाचा राजीनामा देणार असल्याचे अरविंद सावंत यांनी जाहीर केले आहे. राज्यात काँग्रेस-राष्ट्रवादी काँग्रेसचा पाठिंबा मिळविण्यासाठी शिवसेना एनडीएमधून बाहेर पडण्याची शक्यता आहे. राऊत आज दुपारी नवी दिल्लीला जाणार आहे. त्यानंतर या हालचाली होतील, अशी शक्यता आहे. दरम्यान, दिल्लीत सोनिया गांधी यांच्या निवासस्थानी काँग्रेस नेत्यांची बैठक सुरु आहे. तर मुंबई वाय. बी. चव्हाण सेंटर येथे राष्ट्रवादी काँग्रेसचीही बैठक सुरु आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.