Union Budget 2022 : यंदा स्मार्टफोन, इलेक्ट्रॉनिक वस्तू स्वस्त होतील का? इथे जाणून घ्या | Sakal
sakal

बोलून बातमी शोधा

budget 2022 smartphone wearable charger camera lens and more prices get cheaper

यंदा स्मार्टफोन, इलेक्ट्रॉनिक वस्तू स्वस्त होतील का? इथे जाणून घ्या

केंद्रीय अर्थमंत्री निर्मला सीतारामन (Nirmala Sitharaman) यांनी आज देशाचा अर्थसंकल्प (Budget) संसदेत सादर केला आहे. देशाच्या अर्थसंकल्पातील (Budget 2022) तरतूदींचा देशातील सामान्य जनतेच्या खिशावर परिणाम होत असतो, या अर्थसंकल्पानंतर अनेक वस्तूंच्या किमती कमी होण्याची शक्यता आहे. त्यातील काही मोबाइल फोनमध्ये वापरल्या जातात, त्यानंतर मोबाइल फोनच्या किमती देखील कमी-जास्त होऊ शकतात. यंदाच्या सरकारच्या अर्थसंकल्पात इलेक्ट्रॉनिक्स क्षेत्रात देशाला आत्मनिर्भर बनविण्यावर भर देण्यात आला आहे. 

मोबाईल फोन आणि इतर वस्तूंवर सूट

अर्थसंकल्पात मोबाइल फोन चार्जर, मोबाइल फोन कॅमेरा लेन्स, ट्रान्सफॉर्मरसह अनेक वस्तूंच्या देशांतर्गत उत्पादनाला प्रोत्साहन देण्यासाठी अर्थमंत्र्यांनी सूट जाहीर केली आहे. या वस्तूंवर कर सवलतीची बाब 2022 च्या अर्थसंकल्पात नमूद करण्यात आली आहे . यामुळे इलेक्ट्रॉनिक्स वस्तूंच्या देशांतर्गत उत्पादनाला प्रोत्साहन मिळेल. म्हणजेच मोबाईल फोन आणि मोबाईल फोन चार्जर या बजेटनंतर स्वस्त होणार आहेत. याचा थेट परिणाम सर्वसामान्यांवर होणार आहे.

हेही वाचा: रेल्वे स्टेशनची नावे पिवळ्या बोर्डवरच का लिहीतात? जाणून घ्या खास कारण

आलीकडच्या काळात देशात इलेक्‍ट्रॉनिक मॅन्युफॅक्चरिंग झपाट्याने वाढले आहे. अर्थसंकल्पात अर्थमंत्र्यांनी सांगितले की, वेअरेबल उपकरणे, ऑडिओ उपकरणे आणि इलेक्ट्रॉनिक्स स्मार्ट मीटरच्या घरगुती उत्पादनांना सुट देण्यासाठी ग्रेडेड रेट स्ट्रक्चर उपलब्ध करुन देण्यासाठी कस्टम ड्युटी दरांमध्ये अंशतः सुधारणा केली जात आहे.

या अर्थसंकल्पात मोबाईल फोनशिवाय 5G सेवेबाबतही सरकारने महत्त्वाच्या घोषणा केल्या आहेत. अर्थमंत्र्यांनी सांगितले की, 5G स्पेक्ट्रमचा लिलाव 2022 मध्येच केला जाईल, जेणेकरून 2022-23 मध्येच 5G सेवा सुरू करता येईल. यामुळे नवीन नोकऱ्याही मिळतील. दरम्यान Airtel आणि Jio ने आधीच 5G ची ट्रायल रन केली आहे. लवकरच देशात 5G सेवा सुरू होऊ शकते. तसेच, गेल्या एक वर्षापासून देशात जवळपास सर्व कंपन्या 5G स्मार्टफोन लॉन्च करत आहेत.

हेही वाचा: ही इलेक्ट्रिक कार ठरतेय ग्राहकांची पसंत, एका चार्जमध्ये धावते 310km

Web Title: Budget 2022 Smartphone Wearable Charger Camera Lens And More Prices Get Cheaper

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :TechnologyBudget 2022
go to top