Union Budget 2025 : भारत देणार चीनला दणका! AI च्या विकासासाठी 500 कोटीच्या बजेटची घोषणा, विज्ञान क्षेत्रासाठी काय ?

Union Budget 2025 : भारत सरकारच्या 2025 या आर्थिक वर्षासाठी अर्थसंकल्प सादर करण्यात आला आहे. केंद्रीय अर्थमंत्री निर्मला सीतारमण यांनी अर्थसंकल्प मांडला आहे. त्यांनी आठव्यांदा भारताचा अर्थसंकल्प मांडला आहे. कृत्रिम बुद्धीमत्ता क्षेत्रासाठी महत्वाच्या घोषणा करण्यात आल्या आहेत.

सध्या कृत्रिम बुद्धीमत्तेची जगभर प्रगती होत आहे. केंद्रीय अर्थमंत्री निर्मला सीतारामन यांनी 2025-26 च्या अर्थसंकल्पात भारतीय शिक्षण आणि तंत्रज्ञान क्षेत्राला बळकट करण्यासाठी महत्त्वाची घोषणा केली आहे. 500 कोटींच्या अर्थसंकल्पीय वाटपासह, त्यांनी आर्टिफिशियल इंटेलिजन्स (AI) मध्ये तीन सेंटर्स ऑफ एक्सलन्स (CoEs) स्थापन करण्याची योजना मांडली आहे. या केंद्रांचे मुख्य उद्दिष्ट अत्याधुनिक AI संशोधनाला चालना देणे आणि शिक्षण क्षेत्रात त्याचा वापर वाढवणे हे आहे.

AI सेंटर्स ऑफ एक्सलन्सच्या सहाय्याने, प्रमुख शैक्षणिक संस्था, संशोधन संस्था आणि खाजगी क्षेत्रातील कंपन्यांसोबत भागीदारी केली जाणार आहेत. सीतारामन यांनी याबद्दल पुढे सांगितले की, यासाठी एक "डीप टेक फंड" देखील निर्माण केला जाईल.

या विस्तारामुळे, आयआयटीमध्ये जागेची वाढती मागणी पूर्ण होईल आणि भारताचे शैक्षणिक क्षेत्र जागतिक स्तरावर अधिक सशक्त होईल. आयआयटी भिलाई, आयआयटी धारवाड, आयआयटी गोवा, आयआयटी जम्मू आणि आयआयटी तिरुपती या पाच आयआयटींमध्ये या सुविधांचा फायदा होईल.

अर्थसंकल्पात विज्ञान-तंत्रज्ञानासह , शैक्षणिक क्षेत्र आणि आरोग्य, पर्यटन, उद्योग यांसह इतर क्षेत्रांसंबंधित महत्वाच्या घोषणा झाल्या. भारताच्या आर्थिक प्रगतीसाठी या क्षेत्रात मोठ्या प्रमाणावर गुंतवणूक करणे अत्यंत आवश्यक आहे. याशिवाय कृषी क्षेत्र, तसेच महिला सक्षमीकरणासाठी काही प्रमुख घोषणा झाल्या. हा अर्थसंकल्प देशाच्या आर्थिक वृद्धीसाठी महत्त्वपूर्ण ठरणार असून, विविध क्षेत्रांमध्ये नवे प्रकल्प, सुधारणा आणि विविध योजना सुरू करण्याची अपेक्षा आहे.