नाशिक विभागात २ लाख रुग्ण कोरोनामुक्त! रुग्ण बरे होण्याचे प्रमाण ९३.२२ टक्के

हर्षवर्धन बोऱ्हाडे
Thursday, 22 October 2020

आजपर्यंत विभागात ४ हजार २०२ रुग्णांचा मृत्यू झाला आहे. विभागात कोरोनामुळे मृत्यू पावणाऱ्या रुग्णांचा मृत्यूदर १.९४ टक्के इतका आहे. सद्यस्थितीत विभागातील पाचही जिल्ह्यांमध्ये एकूण १० हजार ४४० रुग्णांवर उपचार सुरू आहेत. 

नाशिक : उत्तर महाराष्ट्रातल्या पाचही जिल्ह्यांमध्ये रुग्ण बरे होण्याचे प्रमाण दिलासादायक आहे. सद्यस्थितीत उपचार घेणाऱ्या रुग्णांमध्ये घट होताना दिसत आहे. विभागातून आजपर्यंत २ लाख १६ हजार ५६ रुग्णांपैकी २ लाख १ हजार ४१४ रुग्णांनी कोरोनावर मात केली आहे. कोरोनावर मात करणाऱ्या रुग्णांचे प्रमाण तब्बल ९३.२२ एवढे आहे. आजपर्यंत विभागात ४ हजार २०२ रुग्णांचा मृत्यू झाला आहे. विभागात कोरोनामुळे मृत्यू पावणाऱ्या रुग्णांचा मृत्यूदर १.९४ टक्के इतका आहे. सद्यस्थितीत विभागातील पाचही जिल्ह्यांमध्ये एकूण १० हजार ४४० रुग्णांवर उपचार सुरू आहेत. 

आरोग्य उपसंचालक डॉ. मल्लिकार्जुन पट्टणशेट्टी यांनी दिलेल्या माहितीनुसार, नाशिक विभागातून आजपर्यंत लॅबमध्ये ७ लाख १० हजार ८७८ अहवाल पाठविण्यात आले आहे. त्यापैकी २ लाख १६ हजार ५६ अहवाल पॉझिटीव्ह आले असून रुग्णांचे अहवाल पॉझिटिव्ह येण्याचे प्रमाण ३०.३९ टक्के इतके आहे. तसेच विभागात १३ हजार ६९१ व्यक्ति होमक्वारंटाईन तर ९७० व्यक्ति संस्थात्मक क्वारंटाईन आहेत. 
नाशिक जिल्ह्यात आजपर्यंत ९० हजार ५७२ कोरोनाबाधित रुग्ण आढळले असून ८२ हजार ५०८ रुग्ण पुर्णपणे बरे झाल्याने त्यांना डिस्चार्ज देण्यात आला आहे. तसेच ६ हजार ४४० रुग्णांवर उपचार सुरू असून रुग्ण बरे होण्याचे प्रमाण ९१.१० टक्के इतके आहे. आजपर्यंत १ हजार ६२४ रुग्णांचा मृत्यु झाला आहे. 

हेही वाचा > क्रूर नियती! नवरात्रीच्या पहिल्याच दिवशी देवीभक्ताचा दुर्देवी अंत; कुटुंबियांचा आक्रोश

जळगाव

जळगाव जिल्ह्यात आजपर्यंत ५२ हजार २९२ कोरोनाबाधित रुग्ण आढळले असून ४९ हजार ३५४ रुग्ण पुर्णपणे बरे झाल्याने त्यांना डिस्चार्ज देण्यात आला आहे. तसेच १ हजार ६९० कोरोनाबाधित रुग्णांवर उपचार सुरू असून रुग्ण बरे होण्याचे प्रमाण ९४.३८ टक्के इतका आहे. आजपर्यंत १ हजार २४८ रुग्णांचा मृत्यू झाला आहे. 

धुळे

धुळे जिल्ह्यात आजपर्यंत १३ हजार १७७ कोरोनाबाधित रुग्ण आढळले असून १२ हजार ४७२ रुग्ण पुर्णपणे बरे झाल्याने त्यांना डिस्चार्ज देण्यात आला आहे. तसेच ३३४ कोरोनाबाधित रुग्णांवर उपचार सुरु असून रुग्ण बरे होण्याचे प्रमाण ९४.६४ टक्के इतके आहे. आजपर्यंत ३७१ रुग्णांचा मृत्यू झाला आहे. 

अहमदनगर

अहमदनगर जिल्ह्यात आजपर्यंत ५३ हजार ९३२ कोरोनाबाधित रुग्ण आढळले असून ५१ हजार ५२५ रुग्ण पुर्णपणे बरे झाल्याने त्यांना डिस्चार्ज देण्यात आला आहे. तसेच १ हजार ५८५ कोरोनाबाधित रुग्णांवर उपचार सुरु असून रुग्ण बरे होण्याचे प्रमाण ९५.५३ टक्के इतका आहे. आजपर्यंत ८२२ रुग्णांचा मृत्यू झाला आहे. 

हेही वाचा > मध्यरात्रीस खेळ चाले! गायींना भुलीचे औषध देऊन तस्करी; महागड्या गाड्यांचा वापर 

नंदुरबार जिल्ह्यात रुग्ण अल्प 

नंदुरबार जिल्ह्यात आजपर्यंत ६ हजार ८३ कोरोनाबाधित रुग्ण आढळले असून ५ हजार ५५५ रुग्ण पुर्णपणे बरे झाल्याने त्यांना डिस्चार्ज देण्यात आला आहे. तसेच ३९१ कोरोनाबाधित रुग्णांवर उपचार सुरु असून रुग्ण बरे होण्याचे प्रमाण ९१.३२ टक्के इतके आहे. आजपर्यंत १३७ रुग्णांचा मृत्यू झाला आहे. 
 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: 2 lakh corona patients were cured in Nashik division marathi news