लॉकडाऊनमध्येही 'या' शाळेचा पालकांकडे पुस्तक विक्री अन् शैक्षणिक शुल्कासाठी तगादा सुरूच..अन् मग

cambridge school 1.jpg
cambridge school 1.jpg

नाशिक / इंदिरानगर : कोरोनाच्या पार्श्‍वभूमीवर संपूर्ण भारतात सर्व शैक्षणिक संस्था बंद असताना येथील नाशिक केंब्रिज या इंग्रजी माध्यमाच्या शाळेने पुढील वर्षाची पुस्तके, वह्या आदी सामग्री विक्रीसाठी खुली केली असून, पालकांना त्याबाबत कळविले आहे. या प्रकरणी नाशिक शिक्षण मंडळाने शाळेला नोटीस पाठवून सात दिवसांच्या आत खुलासा मागविला आहे. 

शिक्षण मंडळाकडून केंब्रिज शाळेला नोटीस 
कोरोनामुळे राज्यातील शाळा, महाविद्यालये बंद असून, विद्यार्थ्यांच्या शैक्षणिक शुल्कासाठी पालकांकडे किमान तीन महिन्यांपर्यंत तगादा लावू नये, असे आदेश शिक्षण विभागाने काढले आहेत. तरीही नाशिक केंब्रिज शाळेने शैक्षणिक साहित्य विक्री सुरू केल्याची तक्रार शिवसेनेचे विभागप्रमुख आणि पालक नीलेश साळुंखे यांनी याबाबत थेट मुख्यमंत्री उद्धव ठाकरे, उपमुख्यमंत्री अजित पवार, शिक्षणमंत्री वर्षा गायकवाड आणि जिल्हाधिकारी सूरज मांढरे यांच्याकडे ईमेलद्वारे रीतसर दिली आहे. मुख्यमंत्री कार्यालयानेही याची दखल घेत संबंधित विभागाकडे चौकशीसाठी तक्रार अर्ज पाठविला आहे. 

वह्या-पुस्तक विक्री सुरू केल्याची तक्रार 
शाळेच्या वर्गशिक्षकांनी तयार केलेल्या व्हॉट्‌सऍप ग्रुपवर पालकांना मेल आयडी पाठविण्याचे आवाहन करण्यात आले. त्यावर पुस्तक विक्रीच्या सूचना केल्या आहेत. काही विद्यार्थ्यांची फेरचाचणी घेण्यात येणार असून, त्याचेही वेळापत्रक संबंधित विद्यार्थ्यांना मेलद्वारे पाठविल्याचे समजते. ज्या पालकांनी या शैक्षणिक वर्षाचे शुल्क भरले, त्यांच्याच पाल्यांना ईमेलद्वारे निकाल दिले असून, ज्या पालकांनी शुल्क भरलेले नाही त्यांना ते भरल्यानंतर निकाल मिळेल, असे सांगण्यात आले. इंदिरानगर पोलिस ठाण्याचे वरिष्ठ निरीक्षक नीलेश माईनकर यांनी शालेय व्यवस्थापनाच्या पदाधिकाऱ्यांना बोलावून घेत संबंधित प्रकाराची माहिती घेतली आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com