#Coronaeffect : शिर्डीतील रामनवमीच्या उत्साहावर यंदा कोरोनाचे सावट..साईभक्तांचा महापूर ओसरणार!

विजय पगारे : सकाळ वृत्तसेवा
Tuesday, 31 March 2020

हजारो साईभक्त पायी दिंड्यांद्वारे शिर्डीला येत असतात अनेक दिंड्यांमध्ये हजारो साईभक्त असतात.त्यामुळे कोरोनाच्या पार्श्वभूमीवर खबरदारी घेण्यासाठी हजारो साईभक्त एकत्र येऊ नये यासाठी पायी दिंड्या न काढण्याचा निर्णय अनेक मंडळांनी घेतला आहे.त्यामुळे यंदा शिर्डी मार्गावर पायी साईभक्तांचा येणारा महापूर ओसरणार असल्याचे दिसते.

नाशिक / इगतपुरी : समस्त मुंबईकरांचे आराध्य दैवत व आंतरराष्ट्रीय ख्यातीचे देवस्थान असलेल्या शिर्डी येथील रामनवमी उत्साहावर यंदा कोरोनाचे सावट मोठ्या प्रमाणात वाढले आहे.मुंबईच्या उपनगरांसह राज्य व शेजारील राज्यांतील विविध भागातुन रामनवमीच्या ( ता. 2 एप्रिल ) मुहूर्तावर शिर्डीकडे येणा-या शेकडो पालख्या व पायी दिंड्या येणार नसल्याने त्याचा परिणाम महामार्गावरील व्यवसायांवरही होणार आहे.दरम्यान,शिर्डी येथील साईमंदिर दर्शनासाठी बंद असल्याने मुंबई आग्रा महामार्गासह घोटी - सिन्नर-शिर्डी महामार्गावर एकदमच शुकशुकाट पसरला आहे.

शेकडो पालख्या व पायी दिंड्या निघणार नसल्याने व्यावसायिकांचे नुकसान
शिर्डी येथे वर्षभरात मोजकेच उत्सव मोठ्या उत्साहात साजरे केले जातात.त्यात गुरुपौर्णिमा आणि रामनवमी उत्सव सर्वात मोठ्या प्रमाणात व भक्तिभावाने साजरा केला जातो.या उत्सवासाठी विविध भागांसह मुंबईसह उपनगरातून शेकडो पालख्या व पायी साईभक्त येत असतात.मात्र यंदा कोरोनाच्या पार्श्वभूमीवर शिर्डी येथील साई मंदिर दर्शनासाठी बंद करण्यात आले आहे त्यामुळे रामनवमीच्या मुहूर्तावर मुंबईतून निघणा-या पायी दिंड्या त्यामुळे निघालेल्या नाहीत. दरम्यान शिर्डी संस्थाननेही पायी दिंडी आयोजकांना कोरोनाबाबत काळजी घेण्याचे कळविल्याने अनेकांनी पायी दिंड्यातील गर्दी टाळण्यासाठी सामाजिक भावनेतून दिंड्या न काढण्याचा निर्णय घेतल्याचे समजते.

साईभक्तांचा येणारा महापूर ओसरणार

शेजारील गुजरात राज्यासह मुंबई,पनवेल,कल्याण,डोंबिवली,उल्हासनगर, ठाणे,दादर,सायन,माटुंगा,वसई,गोरेगाव,मालाड,जोगेश्वरी,विलेपार्ले,बोरवली,अंधेरी,कांदीवली,डहाणु कसारा,शहापुर,मुरबाड,इगतपुरी,नााशिक,घोटी येथून हजारो साईभक्त पायी दिंड्यांद्वारे शिर्डीला येत असतात अनेक दिंड्यांमध्ये हजारो साईभक्त असतात.त्यामुळे कोरोनाच्या पार्श्वभूमीवर खबरदारी घेण्यासाठी हजारो साईभक्त एकत्र येऊ नये यासाठी पायी दिंड्या न काढण्याचा निर्णय अनेक मंडळांनी घेतला आहे.त्यामुळे यंदा शिर्डी मार्गावर पायी साईभक्तांचा येणारा महापूर ओसरणार असल्याचे दिसते.

हेही वाचा > #Lockdown : ...अन् अडकलेल्या 'त्या' गर्भवतीच्या मदतीला 'ते' देवदूतासारखे धावून आले!

25 - 30 वर्षांपासून येणा-या या दिंडीत खंड

दादर,परळ,वरळी,सायन,कल्याण,ठाणे,विरार,नालासोपारा,नायगाव,पनवेल ठाणे येथील साईसेवक या पायी दिंडीत दरवर्षी 5 ते 10 हजार भाविक पायी दिंडीद्वारे शिर्डीला येत असतात.या पैकी काही दिंड्यांचे रौप्यमहोत्सवी वर्ष झाले असून यावर्षी कोरोनाच्या पार्श्वभूमीवर या पायी दिंडीवर सावट ओढावले आहे.त्यामुळे सुमारे सलग 25 - 30 वर्षांपासून येणा-या या दिंडीत खंड पडण्याची शक्यता आहे.

हेही वाचा > ह्रदयद्रावक! 'ते' दोघं मज्जाक - मस्ती करत घराकडे निघाले...मात्र, वाटेत काळाने अडवलं 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: corona's effect on Ramnavami in Shirdi Nashik marathi news