चक्क पोलीस चौकीसमोरच घडला धक्कादायक गुन्हा..अन् पोलीस मात्र..

नाशिक / ओझर : येथील पोलिस चौकीसमोरून बडोदा बॅंकेत पैसे जमा करण्यासाठी आलेल्या एकाकडून तीन लाख रुपये लांबविले. पोलिस चौकी शोभेची म्हणून पुन्हा चर्चेत आली. 

असा घडला प्रकार..

मंगळवारी (ता. 25) बाजारच्या दिवशी सकाळी पावणे अकराच्या सुमारास सचिन चव्हाण एका प्लॅस्टिकच्या पिशवीत तीन लाख रुपये ठेवून सायकलीवरून बसस्थानकाजवळील बॅंक ऑफ बडोदामध्ये पैसे भरण्यासाठी आले. सायकलला अडकविलेल्या प्लॅस्टिकच्या पिशवीतून चोरट्याने सुमारे तीन लाखांची रोकड लंपास केली. ही बाब लक्षात येताच त्यांनी शोधाशोध केली; पण चोरटा मिळून आला नाही. याबाबत पोलिसांनी शहरातील काही बॅंकांचे सीसीटीव्ही फुटेज तपासले. चव्हाण यांच्यावर पाळत ठेवणारे काही लोक फुटेजमध्ये दिसून आले. दिवसा झालेल्या या घटनेने ओझर परिसरात भीतीचे वातावरण निर्माण झाले आहे. काही दिवसांत उपनगरात चोऱ्यांचे प्रमाण वाढलेले असताना, आता ओझरमधील पोलिस चौकीसमोरच चोरट्यांनी दिवसा मोठी रक्कम लंपास केल्याने ओझर पोलिसांच्या कार्यक्षमतेवर प्रश्‍नचिन्ह उभे झाले आहे. याबाबत सचिन चव्हाण यांनी दिलेल्या फिर्यादीवरून ओझर पोलिस ठाण्यात चोरट्याविरुद्ध गुन्हा दाखल झाला आहे.  

हेही वाचा > जेव्हा लॉजवर गणवेशधारी शाळकरी मुलामुलींची धांदल उडते....पोलिसही चक्रावले!

हेही वाचा > लष्करी जवानाकडून जेव्हा पत्नीची हत्या होते तेव्हा...धक्कादायक घटना!