चालत्या ट्रकला अडवून दुचाकीस्वार त्रिकुटाचा कारनामा! त्रिकुट फरार

नाशिक : चालक जाधव बुधवारी (ता.१५) ट्रकमध्ये प्लॅस्टीक पाईप घेवून शहरात आले होते. पुणे महामार्गावरून नाशिक रोडहून सिन्नरच्या ट्रक जात असतांना दुचाकीवर आलेल्या संशयीत त्रिकुटाने ट्रक अडवले अन् मग....

असा घडला प्रकार

नाशिक पुणे महामार्गावरील स्वातंत्र्यवीर सावरकर उड्डाणपूलावर सिन्नर फाटा परिसरात चालक नितीन अशोक जाधव बुधवारी (ता.१५) (एमएच ०९ यु ९३७४) आयशर ट्रक मध्ये प्लॅस्टीक पाईप घेवून शहरात आले होते. पुणे महामार्गावरून नाशिक रोडहून सिन्नरच्या ट्रक जात असतांना दुचाकी (एमएच १५ जीजे ९४११) या दुचाकीवर आलेल्या संशयीत त्रिकुटाने ट्रक अडवून चालकास कोयत्याचा धाक दाखवित मारहाण करीत खिशातील ५०० रूपयांची रोकड बळजबरीने काढून घेतली. तसेच ट्रकच्या दोन्ही बाजूच्या काचा फोडून हे संशयीत त्रिकुट फरार झाले.

हेही वाचा > आयुक्तांची रात्री उशिरा रुग्णालयात एंट्री...चौकशीत मोठा खुलासा...नेमके काय घडले?

ट्रक चालकाकडून तक्रार दाखल

नाशिक पुणे महामार्गावरील स्वातंत्र्यवीर सावरकर उड्डाणपूलावर सिन्नर फाटा परिसरात प्लास्टीक पाईप घेउन चाललेल्या ट्रकला अडवून दुचाकीस्वार त्रिकुटाने चालकास लुटल्याचा प्रकार उघडकीस आला आहे. अनिकेत सुरेश साठे (रा.जयप्रकाशनगर,सामनगाव रोड),सचिन संतोष पटेल (रा.अरिंगळे मळा,ओढारोड) व जयेश रामेश्वर अपार (रा.भोरमळा,ओढारोड) अशी जबरीलुट प्रकरणी गुन्हा दाखल झालेल्या संशयीतांची नावे आहेत. याप्रकरणी नितीन अशोक जाधव (रा.सिल्वासा,दादरा नगर हवेली) या ट्रक चालकाने तक्रार दाखल केली आहे.

हेही वाचा > हायटेक सल्ला पडला महागात; दोन एकरांतील ऊस जळून खाक...नेमके काय घडले?